Chapter 35

NAGMAMADALING pumunta ng banyo si Blessie. Sasamantalahin niyang maligo habang wala pa si Marius.

Habang si Marius ay nasa lobby at kausap ang babaeng ininsulto siya. Magpapahanap lang siya ng mauutusan na bumili ng mga damit nila ni Blessie. Balak niyang mag-stay sa Baguio ng tatlong araw. Ito ang kanilang unang out of town date ni Blessie bilang opisyal na magkasintahan.

"Ah, miss, pakisabi sa uutusan mo na puntahan ako sa suite namin. At saka oorder na rin ako ng pagkain para sa amin ng girlfriend ko."

"Sige po, sir. Papuntahin ko na lang po ang staff namin," sabi ng babae.

Tumango si Marius at lumabas sandali para masilip ang panahon sa labas. Medyo kumulimlim. Nagbabadya pa atang umulan.

Nakatapos na maligo si Blessie. Naka-roba lang siya dahil wala siyang pangalawang damit. Naupo siya sa kama at kinuha ang kanyang cellphone mula sa bulsa ng suot na pantalon. Grabe rin mag-aya si Marius ng lakad, pabigla bigla. Wala siyang naihanda.

Isa lang ang ikinakatakot niya, baka malaman ng