Chapter 6

Tahimik lang si Freeshia habang bumibiyahe sila pauwi sa farm ng magulang ni Lance sa probinsya. Maaga silang umalis sa siyudad para na din makaiwas sa traffic.

Gusto ng asawa niya na sunduin siya sa bahay niya pero tumanggi si Freeshia dahil hanggat maari ayaw niyang malaman ni Lance ang tungkol sa property niyang ito.

Nagpahatid na lang siya kay Herea na kulang na lang ay tustahin si Lance sa paraan ng pagtingin niya.

“Nagugutom ka ba?” tanong ni Lance sa asawa niya na hindi man lang kumikibo buhat pa kanina

“Hindi!” sabi nito at saka niya isinuot ang earpods niya

Mukhang nagpapatugtog ito ng sounds through her phone at nanatiling tahimik which made Lance sigh.

Talagang abot langit na ang galit ng asawa sa kanya.

After hours of travel ay narating din nila ang farm ng mga Villavicencio. Nakatingin si Freeshia sa labas habang nadadaanan nila ang mga puno ng mangga na hitik na sa bunga at ready na for harvest.

Naalala ni Lance dati na paborito ni Freeshia ang mga mangga dito sa farm nila kaya naman he reminded himself na magpakuha nito mamaya sa mga tauhan.

Pagdating nila sa entrada ng bahay ay nakaabang na ang mga magulang ni Lance. Both of them are smiling habang hinihintay nila na bumaba sa kotse ang mag-asawa.

“Iha!” Mrs. Villacencio said at masaya nitong sinalubong ang manugang niya

“Hi po Mommy!” yumakap si Freeshia sa biyenang babae at pagkatapos ay ganun din ang ginawa nito sa biyenang lalaki

“Daddy kamusta na po ang pakiramdam ninyo?” nag-aalalang tanong ni Freeshia sa Daddy ni Lance

“I’m fine iha! Ikaw ang kamusta? Bakit parang namumutla ka?” tanong ni daddy Arman saka tumingin kay Lance

“Hindi ka ba inaalagaan ng anak ko?” dagdag tanong pa ni daddy Arman pero ngumiti naman si Freeshia dito

“Okay lang po ako Dad! Medyo kulang lang po sa tulog!” yun lang ang sinagot ni Freeshia and she skipped the part about pag-aalaga

“Let’s go inside! Lance alalayan mo ang Daddy mo!” utos naman ni Mommy Mariel at nagpatiuna na itong lumakad habang hawak si Freeshia

“Tara na sa loob Dad!” aya ni Lance sa Daddy niya pero tinignan siya nito nang masama at iniwas ang kamay niya para hindi siya mahawakan ng anak

In Lance’s mind, alam niya kung bakit ganito ang ama sa kanya. Malamang may nakarating na naman na hindi magandang balita dito kaya ganito ang pakikitungo nito sa kanya.

“Hindi ka ba nag-iisip, Lance? Akala mo ba talaga, hindi makakarating sa akin ang mga kalokohan mo?”

Nilingon siya ng ama at nakita ni Lance ang galit sa mga mata nito.

“At ipagpapalit mo ang asawa mo sa isang babaeng hindi karapat dapat sa pangalan ko?!” 

“Dad…” nag-aalala si Lance na baka mapano ang ama niya dahil sa galit nito sa kanya

“Apat na taon na Lance, and yet hindi mo pa rin ba matanggap si Freeshia? Kaya nagawa mo siyang lokohin when all of a sudden, nagpakita sayo ang babaing iyon?”

Alam ni Lance na ang tinutukoy ng ama niya ay si Celestine. Gusto niyang mangatwiran pero naumid naman ang dila niya dahil aminado naman siya na may kasalanan siya.

Hindi talaga matatawaran ang abilidad ng Daddy niya. Kahit nandito siya sa probinsya ay may mga mata pa rin ito sa metro kaya nalaman nito ang tungkol sa affair niya.

“Aayusin ko ito Dad!” 

“No! Hindi mo gustong gawin yan dahil kung totoo yan, sana masaya si Freeshia at sana may anak na kayo!” napailing na lang ang ama ni Lance sa kanya

“Kung sana noon pa lang tumanggi ka na sa kasal, hindi na sana umabot sa ganito. But you didn’t! You agreed with it! Ngayon maghanda ka, dahil hindi malayong masira ang iniingatan naming samahan ng Daddy ni Freeshia dahil sa kagagawan mo!” 

Tinalikuran na siya ng ama at hindi mapigilan ni Lance na murahin ang sarili dahil totoo naman ang lahat ng sinabi ng Daddy niya. 

Sana sa umpisa pa lang, tumanggi na siya. Sana hindi na niya nasaktan si Freeshia.

Mabigat ang loob na pumasok si Lance sa bahay at naabutan niya si Freeshia at ang magulang niya na nagtatawanan sa dining area.

From the looks of it, mukhang walang alam ang Mommy niya sa nangyayari. Maybe his Dad chose not to tell it to his Mom dahil kung alam ito ng Mommy niya, malamang nasampal na siya nito noon pa.

“Hindi bale iha, may nabili akong supplements sa kaibigan ko. Effective daw iyon basta palagi mong iinumin!” masayang sabi ni mommy Mariel kay Freeshia and she just smiled at her

Hindi naman niya masabi sa biyenan na hindi na niya kailangan ang mga supplements na iyon dahil maghihiwalay naman na sila ni Lance. 

Tahimik lang naman ang matandang lalaki at pinukulan niya pa ng masamang tingin ang anak niyang tahimik ding nakikinig sa usapan ng dalawang babae.

“Thank you po Mommy! Di bale po sisiguraduhin ko po na iinumin ko ang mga iyan!” sagot ni Freeshia 

Napasimangot si Lance sa narinig niya. Hindi pa rin niya mapigilang mainis sa twing naiisip niya na ang tanging mahalaga kay Freeshia ay ang magka-anak sila. 

Kaya nga panay ang konsulta nito doon sa doktor, hindi ba? Dahil sa kagustuhan niyang mabuntis para mas magkaroon siya ng kapit sa kanya. 

Sa pakiwari ni Lance, iyon ang tumatakbo sa isip ng asawa sa twing may nangyayari sa kanila. Gusto niyang mabuntis kaya ginagawa niya ang lahat.

“Oh siya tara na! Kumain na tayo!” masaya na ang mukha ni daddy Arman buhat ng marinig niya kay Freeshia ang huling sinabi nito

Sa totoo lang, hindi pa umaabot sa kaalaman nito ang planong paghihiwalay ng mag-asawa. At dahil sa sinabi ni Freeshia, nandoon pa rin ang pag-asa niya na maaayos din ang lahat.

Maganang kumain si Freeshia lalo na at na-miss niya ang luto ng mommy Mariel niya. Magbuhat kasi ng magkasakit ang Daddy ni Lance ay hindi na ito nakadalaw sa tinitirhan niyang townhouse.

May mga gamit si Lance doon para kung magkaroon ng surprise visit ang biyenen niya, nakahanda sila. Of course hindi naman alam ng magulang nila na hindi sila nakatira sa iisang bahay.

Mas pinili na kasing manirahan sa farm ng magulang ng lalake lalo pa at si Lance na ang namamahala sa kumpanya kasama ang kapatid nito sa Lander Villavicencio.

“Ma’am Freeshia, nandito na po ang hinog na mangga!” pakiramdam ni Freeshia ay may heart ang mga mata niya nang makita niya ang sliced mangoes sa harap niya na inilapag ni Manang Cordia

Isa kasi ito sa paborito niyang kainin kapag dumadalaw sila ni Lance dito. 

“Naku pinapitas po yan ni Sir Lance kay Toto!” tukoy ni Manang Cordia sa anak niya na nagta trabaho din dito sa farm

Tila umasim sa paningin niya ang mangga na nasa harapan niya lalo nung marinig niya na si Lance ang nagpakuha nito. Nawalan siya bigla ng gana.

“Salamat po Manang pero hindi na po kasi ako kumakain niyan!” napatingin si Freeshia kay Lance at nakita niya ang paglungkot ng mga mata nito pero hindi na lang niya iyon pinansin

Pero nagrerebelde ang puso niya dahil gusto niya talagang kumain ng mangga!