Chapter 9

Inis na inis si Freeshia dahil isang linggo na ang nakaraan buhat nung manggaling sila sa farm pero hindi pa rin pinipirmahan ni Lance ang Divorce paper nila.

Panay ang tawag ng abogado niya sa opisina nito at ayon kay Attorney Madrid ay tila hindi naman sineseryoso ni Lance ang mga tawag niya. Kung hindi ito busy ay palaging wala daw ito sa opisina.

Gigil na tinawagan ni Freeshia ang numero ng asawa niya and after a few rings ay sinagot naman niya ito.

“Nasaan ka?” agad na tanong niya dahil naiinis na siya sa ginagawa ni Lance na pagpapaikot sa kanya

“Nandito ako sa penthouse, why?” malambing na sagot ni Lance sa kanya kaya lalong nainis ang babae dito

“Bakit hanggang ngayon hindi mo pa pinipirmahan ang papel, Lance! It’s been a week! Nangako ka sa akin!” sumbat niya dito

“Busy ako Freeshia! Marami akong inaasikaso!”

Tuluyang sumabog ang tinitimping galit ni Freeshia nang marinig niya ang katwiran ni Lance.

“Lance, hindi ka gagamit ng isang buong araw para pirmahan ang mga papel n