Chapter 14

Magbibihis na sana si Freeshia nang biglang pumasok si Lance sa kwarto nila. Matalim ang mga mata nito at agad niyang hinaklit ang braso ng asawa dahil sa matinding selos na nararamdaman niya.

“Sabihin mo sa akin kung saan ka galing!” utos niya dito pero ni hindi man lang niya nakitaan ng kaba ang asawa

“Lance, pwede ba! Hindi na ako bata para tanungin mo pa ako kung saan ako galing!” inis na sagot ni Freeshia habang pilit siyang kumakawala sa hawak ni Lance

“Hindi pa tayo hiwalay! Isaksak mo yan sa kukote mo Freeshia kaya may karapatan akong tanungin kung saan ka galing!”

“Matagal na tayong hiwalay Lance! Huwag kang magmalinis na akala mo santo ka dahil sa ating dalawa ikaw ang nangaliwa!” balik naman sa kanya ni Freeshia

Lumuwag ang hawak niya sa asawa niya kaya padaskol na binawi ni Freeshia ang braso niya. Masakit iyon dahil sa higpit ng hawak ni Lance pero pinilit niyang huwag ipakita iyon sa asawa niya.

“Paulit-ulit mo mang isumbat yan sa akin Freeshia, lalake ako! At hindi yun