Chapter 2

 Alas-otso na nang dumating si Lance sa townhouse na binili niya para sa asawang si Freeshia. Ilang buwan na din siyang hindi umuuwi dito buhat nang bumalik sa bansa si Celestine.

She was his first love. 

Highschool sweethearts sila pero umalis ang pamilya nito at nag-migrate sa Canada. Nawalan sila ng communication hanggang sa naganap nga ang kasal nila ni Freesia Natalia Altamonte, ang anak ng kaibigan ng parents niya.

He was mad! Galit siya sa kagustuhan ng magulang niya pero wala siyang magawa kung hindi ang sumunod. 

Pero ang naging pagsasama nila ay naging base sa kagustuhan niya. Hindi sila nagsama sa isang bubong. Nasa townhouse si Freeshia at siya naman ay nasa penthouse.

Umuuwi siya kapag gusto niya. O mas tamang sabihing, kapag kailangan lang niyang gamitin ang asawa. 

Nakikita naman niyang gusto ni Freeshia na maging normal ang pagsasama nila pero hindi niya kayang ibigay iyon. Sa mata ng ibang tao, binata pa rin siya. At hindi naman iyon tinutulan ni Freeshia.

Sa palagay niya, mahal siya ni Freeshia at ramdam na ramdam niya iyon kaya sumusunod ito sa lahat ng gusto niya.

Madilim ang paligid kaya naman nagtataka siya dahil kapag umuuwi siya dito, maliwanag ang buong bahay. Nararamdaman niya ang bigat ng paligid at hindi niya iyon nagugustuhan.

“Freeshia!” nakaramdam siya ng pag-alala para sa asawa

Pinasok ba ang bahay? Ninakawan?

“Freeshia!” malakas na tawag niya sa pangalan ng asawa at nagulat pa siya ng may gumalaw sa sala

Kinapa niya ang switch ng ilaw at nang magliwanag ang kabahayan ay nakita niya na nakasalampak sa carpeted floor ang asawa.

Magulo ang buhok nito at tila wala sa sarili. Nakita niya ang isang bote ng alak na halos ubos na kaya naman napamura si Lance sa isipan.

Alam niya ang dahilan kung bakit ganito ang itsura ni Freeshia.

“Nandyan ka na pala!” halos nakapikit na si Freeshia habang nakatingin ito sa kanya

“Ano bang problema mo? Bakit ka ba naglasing?” 

Mababakas ang pag-aalala sa tinig ni Lance dahil alam naman niyang hindi ito sanay uminom.

Natawa ng pagak si Freeshia sa tanong ng asawa. Concerned ba siya all of a sudden?

Inabot ni Freeshia ang baso at ang balak niyang pag-inom sa laman noon ay agad pinigilan ni Lance. 

“Ano ba!!!” sigaw niya dito kaya naman napatda si Lance dahil ito ang unang beses na sinigawan siya ng asawa

She was always sweet and caring pagdating sa kanya. Soft-spoken ito at hindi nga halos tumataas ang boses niya.

“Stop it Freeshia! Lasing ka na!” pigil ni Lance dito kaya naman napatayo itong bigla

“How dare you! How dare you!” nilapitan siya ng babae at pinagbabayo ang dibdib niya

Hindi naman pumalag si Lance. Hinayaan lang niya si Freeshia hanggang mapagod ito sa ginagawa niya at muling mapasalampak sa sahig.

“Hindi ka na naawa sa akin, Lance! Bakit mo nagawa sa akin ito!” umiiyak na sambit ni Freeshia at nakaramdam naman ng kurot sa puso ang lalake

“Sana pala hindi ka na lang pumayag sa kasal kung lolokohin mo lang pala ako!” 

She cried at pinanuod siya ni Lance habang binubuhos ang sama ng loob. 

Minsan naiisip ni Lance ang parehong bagay. 

Bakit nga ba siya pumayag magpakasal kay Freeshia? Pwede naman niyang tanggihan ang kasunduan, hindi ba?

At kung sakaling itakwil siya ng mga magulang niya, hindi siya maghihirap dahil bukod sa Villavicencio Corporation ay may sarili naman siyang negosyong naipundar.

Bakit  nga ba pinakasalan niya ang babaeng ito kung hindi naman niya kayang ibigay ang tunay na kahulugan ng kasal?

Nang kumalma na si Freeshia ay nilapitan niya ito ay pilit itinayo pero pumalag ito na para bang diring-diri ito sa kanya.

“Huwag na huwag mo akong hahawakan!” banta ni Freeshia sa asawa kaya napaatras si Lance

Somehow he was surprised sa pinapakitang tapang ng asawa. Hindi niya ito inaasahan. 

Alam niyang lumaki si Freeshia sa pag-aalaga ng mga magulang niya. She was sheltered at itinuring na prinsesa ng pamilya lalo pa at nag-iisang anak na babae ito.

She was always prim and proper. Disiplinado at kalkulado ang bawat galaw kaya hindi niya inaasahan na makikita ito sa ganitong sitwasyon. 

Talagang nasaktan siya.

Naupo si Freeshia sa couch at sinapo ang mukha gamit ang mga palad niya. At nang iangat niya ang paningin niya kay Lance ay bakas ang naglalatang na galit sa mga mata niya.

“How long has this been going on?” tanong niya sa lalake

Matagal bago sumagot si Lance and it was confirmed na alam na ng asawa ang relasyon nila ni Celestine.

“At least tell me!” galit na sigaw ni Freeshia kaya napapikit si Lance

“Matagal na din. Almost a year!” 

Narinig ni Lance ang mahinang tawa ni Freeshia. 

“Grabe no! Isang taon na pala! I’m so stupid!” nakakuyom ang palad ni Freeshia sa sobrang galit na nararamdaman niya

“Freeshia…” 

“Maghiwalay na tayo!” matapang na sabi ni Freeshia kaya halos mapanganga si Lance

Hindi siya makapaniwala sa narinig niya mula sa asawa. Tama bang nakikipaghiwalay ito sa kanya? 

“W-what?!” gulat na tanong ni Lance pero seryoso naman ang mukha ni Freeshia

“Kakausapin ko ang abogado ko. I will send you the copy of the divorce papers!” 

Tumalikod na si Freeshia at nagsimulang umakyat sa hagdan. Mabigat ang loob niya sa naging desisyon niya na pinag-isipan niya ng matagal.

Hindi na niya kayang tiisin ang sitwasyon niya lalo pa at nalaman niya na may kabit ang asawa niya. 

Masyado na siyang tinatapakan ni Lance. Matapos siyang itago sa mata ng ibang tao bilang legal na asawa ay nakuha pa niyang mambabae!

Magsama sila ng kabit niya!

“Sa tingin mo ba makakaya mo nang wala ako sa buhay mo Freeshia?” mayabang na tanong ni Lance hoping to see the slightest doubt in his wife’s eyes pero nagkamali siya.

Matapang na lumingon ang babae at tinignan siya ng walang kakurap-kurap.

“Don’t flatter yourself too much, Lance! Nagpakatanga ako, oo, pero hindi ako mahina na gaya ng iniisip mo!” matapang na sagot ni Freeshia sa asawa niya

“Tigilan mo na ito, Freeshia! You are drunk! Matulog ka na at bukas tayo mag-usap!” 

Natawa naman si Freeshia kaya lalong nakaramdam ng galit si Lance. Humalakhak ito ng malakas na parang baliw na sobrang ikinairita ng asawa niya.

“Stop it, Freeshia! I’m starting to get angry!” bulyaw niya dito kaya naman medyo pinigil ni Freesia ang pagtawa

“Hay Lance!” sabi pa ng babae habang pinapahiran ang luha sa mga mata niya ng dahil sa pagtawa niya

“I can’t believe myself that I endured everything!” sabi ni Freeshia in a serious tone habang umiiling

“Ngayon or bukas, hindi mababago ang gusto ko! Let’s get a divorce para makasama mo na ang kabit mo!” 

Napakuyom ang kamay ni Lance at inilang hakbang lang niya ang asawa niyang nasa gitna ng hagdan. Hinaklit niya ang braso nito pero ni hindi man lang niya kinabakasan ng takot ito.

Samantalang dati, ipakita lang niya na inis na siya, mababasa mo na agad ang pangamba sa mata nito.

“Don’t you dare!” mahinang bulong niya dito at naghatid iyon ng kilabot sa sistema ni Freeshia pero agad siyang nakabawi

“Let’s just get to the divorce! Hindi na kita masikmura, Lance!”