Chapter 3

Masakit ang ulo ni Freeshia paggising niya kinabukasan. Napapikit siya habang minamasahe ang ulo niya na makirot dahil sa sobrang pag-inom niya kagabi.

She stood up at agad na nagpunta sa banyo para maligo. Marami siyang kailangang gawin ngayon. Aasikasuhin pa niya ang pag-alis niya sa townhouse na ito since kahapon pa siya nag-impake.

After taking a bath ay agad tinawagan ni Freeshia si Herea.

“Really??” hindi makapaniwalang tanong ni Herea sa kanya nang sabihin nito ang nangyari kagabi

“Yes! Aalis na ako dito Her. Hindi ko na kayang magtagal dito.”

“That’s great news! May bahay ka namang naipundar mula sa kita ng business natin. It’s about time na gamitin mo yun!” sabi pa ni Herea and she’s right

“Naipaalam mo na ba ito sa parents mo at sa mga kapatid mo?” 

Binuhay ni Freeshia ang loudspeaker ng phone dahil isa-isa niyang chineck ang mga drawers ng kwarto. Gusto niyang makasiguro na wala siyang maiiwan dito.

Pumasok na din ang kasambahay niya na si Ate Maring at Ate Ellen para ibaba ang mga maleta niya sa kotse.

“Nakahanda na ba yung mga gamit ninyo?” tanong nito sa mga kasambahay

“Opo Ma’am!” magalang na sagot naman ng mga ito sa kanya

Inilibot niya ulit ang mga mata sa kwartong ito. This has been her comfort zone for four years.

Dito rin siya paulit-ulit na inaangkin ni Lance sa tuwing umuuwi siya dito. 

This room witnessed her pain and her joy at ngayon, pakakawalan na rin niya ito. Iiwanan na niya ang kulungang pinagdalhan sa kanya ni Lance 

“Still there?!” tanong ni Herea dahil hindi niya sinagot agad ang tanong nito

“Yeah! Pinalabas ko lang sa mga kasambahay yung mga gamit ko.” sagot naman ni Freeshia

“So?” ulit ni Herea kaya napabuga na lang ng hangin si Freeshia

“Not yet! Pero confident naman ako na maiintindihan nila ako.” sagot ni Freeshia pero sa sarili niya, hindi din siya sigurado kung matatanggap ng magulang niya ang desisyon niya

They adore Lance. At sa twing dumadalaw silang mag-asawa sa tahanan ng mga Altamonte ay makikita ang closeness ni Lance sa mga ito. 

Wala silang ka malay- malay sa sitwasyon ng prinsesa nila sa poder ng asawa nito.

“That’s good! Sige na on the way na ako sa bahay mo! Kita tayo later!” masayang sabi ni Herea sa kaibigan

She felt relief lalo at natauhan na ang kaibigan niya sa ilusyon niyang mamahalin pa siya ng manloloko niyang asawa.

Pagdating nila Freeshia sa bahay niya na nasa isang exclusive subdivision sa metro ay sinalubong na siya agad ng kaibigan. 

Ito ang unang beses na makikita niya ito ng personal. Hindi naman kasi alam ni Lance na may nabili siyang property na ganito mula sa kita niya sa negosyo nila nila ni Herea.

Bagong kasal lang sila noon at dahil naiinip na siya sa buhay niya sa townhouse ay inalok siya ni Herea na sumosyo sa negosyo nito.

Noong una ay nag-aalangan siya dahil hindi naman sapat ang perang naipon niya para dito. Ayaw niyang manghingi kay Lance dahil hindi naman din ito papayag since gusto niya na nasa bahay lang siya.

But Herea convinced her at sinabing industrial partner na lang siya since sa kanya manggagaling ang ideas ng bahay na aayusin nila.

Interior designer siya pero hindi niya iyon nagamit dahil agad siyang ipinakasal ng Daddy niya kay Lance. Twenty-one years old siya noon at si Lance naman ay twenty- four

“Welcome home!” tili ni Herea at agad niyang niyakap si Freeshia

“Salamat Her!” aniya habang inililibot ang paningin sa bahay which she designed personally kahit hindi pa siya napupunta dito

Herea just sent her the photos of the house and she decorated it using her laptop. Pagkatapos ay sinend niya ito kay Herea at siya na ang bahalang mag-execute sa tulong ng mga tauhan nila.

“It’s so beautiful!” puri niya at naramdaman niya ang akbay ng kaibigan niya

“Of course naman! Ikaw may gawa eh! May Midas touch ka nga diba? No wonder, ang dami nating clients na nakapila!” pagmamalaki ni Herea sa kanya

“Syempre kasi magaling ka ding mag-market! Hindi naman tatakbo ang negosyo kung wala ka!” balik-puri naman ni Freeshia sa kaibigan

“Tara na, mag-lunch na tayo at planuhin natin ang house blessing mo!” excited na sabi ni Herea saka siya hinila nito sa dining area

Pinasabay na ni Freeshia ang mga kasambahay sa kanila ni Herea. Well, silang dalawa lang naman ang makakasama niya at hindi masayang kumain ng nag-iisa kaya naman sasanayin niya na ang mga ito na sabayan siya sa pagkain. Sa townhouse kasi, palagi siyang nag-iisa since lulubog-lilitaw naman ang asawa niya doon.

“So papasok ka na ba sa office?” tanong ni Herea sa kaibigan habang nagsasalo sila sa pagkaing binili nito sa isang sikat na restaurant

“Maybe after kong makausap si attorney. Kailangan masimulan na ang divorce namin ni Lance.” sagot ni Freeshia

Herea looked at her friend. Alam niyang nasasaktan pa rin ito sa nangyari kahit pa itago niya ito sa kanya. Malungkot ang mga mata nito pero alam niya, malalagpasan din ito ng kaibigan niya.

“Alam mong nandito lang ako para sayo!” inabot ni Herea ang kamay ni Freeshia and she just nodded at her

“I know Her! Salamat!” 

After ng lunch nila ay umalis na si Herea dahil babalik pa ito sa opisina ng Aesthetika. 

Siya talaga ang humaharap sa clients bilang owner habang si Freeshia naman ang isa sa mga pinipilahang interior designer doon. 

Although nag-hire si Herea ng tatlo pang interior designer, mas hinahanap ng mga kliyente si Freeshia, pero dahil nasa bahay lang siya, tanging ang mga proposed designs lang niya ang nakikita ng mga ito.

Nagshower ulit si Freeshia saka niya sinabihan ang kasambahay na iayos ang mga gamit niya sa kwarto. Mamaya na ang appointment niya sa abogado at gusto na talaga niyang madaliin ang lahat.

After an hour ay narating niya ang opisina ni Attorney Madrid. Isa siya sa mga best lawyer pagdating sa ganitong usapin sa buong metro.

“Good afternoon Mrs. Villavicencio, take a seat!” nakangiting sabi ng abogado and she just smiled back

“I already drafted the divorce agreement that you asked for. Pirmahan mo na lang para madala ko na ito sa asawa mo.” 

Ipinakita ng abogado kay Freeshia ang mga papeles at agad niya itong binasa.

“Are you sure, you don’t want to demand money from him? I mean legal ang kasal ninyo kaya may karapatan ka sa lahat ng pag-aari niya!” paniniguro ng abogado dahil isa ito sa hiniling niya na mailagay sa kasulatan

Tumango si Freeshia kay attorney dahil hindi naman niya kailangan ang pera ni Lance. She have her own money at hindi niya nanaisin pang pakialaman ang yaman ng asawa niya. Ayaw niya kasi ng sumbatan!

Inilabas niya mula sa bag na kanyang dala ang susi ng townhouse ni Lance at tatlong credit cards na hindi niya naman halos nagamit for four years.

At kahit mabigat sa loob niya, tinanggal niya ang wedding ring nila ni Lance at inabot iyon kay Attorney Madrid.

“Pakibigay na din po ito sa kanya!” pakiusap niya dito at saka nito kinuha ang pen para pirmahan ang divorce papers. 

Sa wakas, makakalaya na din siya!