Chapter 27

"Pwede mo na akong ibaba," ani ni Ella. Pinagtitinginan na rin kasi sila ng mga tao sa palagid dahil pasan pa rin s'ya ng binata kahit nakatayo na lang sila sa waiting shed.

Kasalukuyang nag-aabang ang dalawa ng taxi.

"Ayaw ko nga," wika ni Zander. "Kung iniisip mo na mabigat ka, hindi ka mabigat. Ang gaan gaan mo nga," biro nito. "Kahit tatlong ikaw pa ang pasanin ko, kayang kaya ko pa."

"Hindi sa ganoon, naiilang lang ako dahil pinagtitinginan tayo ng mga tao," paliwanag ni Ella. Napayakap tuloy si Ella sa leeg ni Zander at sunubsob ang kanyang mukha sa batok ng binata. Ginawa n'ya ito upang ikubli ang kanyang mukha sa mga natinging tao.

"No, ayaw ko nga," sabi ni Zander kay Ella na may malaking ngiti sa kanyang mga labi. Nagawa pa nitong hawakan ang braso ni Ella at inayos ang pagyakap nito sa kanyang leeg.

Nanibago si Ella sa paraan ng pakikipag-usap ni Zander. Tila sinasadya nitong maging makulit at magpapansin sa kanya ngayong gabi. Sobra sobra rin ang pag-aalala ni Zander par