Chapter 2 Addyson

Addyson P.o.v.

"Dy, kulang pa tayo ng tao. Wala ka pa din bang napipili sa mga applicants?" tanong ni Lisa habang binabasa ko ang isang contrata na gusto niyang ipapirma sa'kin. Napapakunot noo na lang ako sa daming papel na nasa harapan ko. Sumasakit ang ulo ko sa pag-re-review ng contracts at kung ano-ano pang kailangan intindihan.

"Ilan pa ba ang nakapila?" saad ko habang nakatuon pa din sa kontrata.

"Sampu na 'yong na-interview mo. Wala ka pa bang napupusuan?" nanunudyong sambit pa nito. Umangat ako ng tingin habang hawak ang pilot ballpen.

"Wala pa akong napipili sa kanila. 'Yong iba kasi kulang sa experience. Baka hindi kayanin ang trabaho dito sa shop," sagot ko.

Napabuntong hininga naman ito. "Kung sabagay." sangayon nito. Tumayo na ito at nagpaalam na lalabas muna para mag-assist sa mga staff. Napasandal na lang ako sa upuan habang minamasahe ang ulo kong kagabi pa sumasakit.

Ang dami ko kasing iniisip. Ako din kasi ang nag-aasikaso ng mini grocery namin. Pero sila Kuya at Mom talaga dapat ang in-charge do'n. Kaso nasa bakasyon sila Mom and Dad. Anniversary kasi nila kaya ako na ang sumagot para sa out of the country nila. Si Kuya naman busy sa computer shop niya na nagka-problema pa. Wala talagang ibang mag-aasikaso kundi ako lang.

Tiningnan ko ang oras, alas dyes pa lang ng umaga pero feeling ko ang bilis ng oras. Alas siyete pa lang nandito na ako sa coffee shop. Hindi pa pala ako nakapag-breakfast. Pati ata pagkain ay nakakaligtaan ko na. Kulang ang isang araw sa mga kailangan kong gawin.

.

.

Nagising ako sa tunog ng alarm ko sa side table ng kama. Inaantok pa akong dumilat. Alas nuwebe na pala. Pero tinatamad pa akong bumangon. Gusto ko pang matulog pero dahil may meeting pa ako sa supplier ko para sa coffee shop kailan ko ng magtumayo. Patamad akong bumangon at nag-inat-inat muna. Uminom ng tubig baka ako maligo. Isang mabilisang shower at bilis lang ang ginawa ko. Tumawag na kasi si Lisa para i-remind sa'kin na papunta na daw 'yong supplier ng cups para sa coffee shop.

Pagkababa ko sa sala sinalubong ako agad ni Yaya Iseng. "Oh, mag-almusal ka muna." Nilapitan ko siya at niyakap. Sobrang close kasi kami ni Yaya. Para ko na siyang Lola. Matagal na din siyang naninilbihan dito sa amin. Maasikaso at mabait. Siya ang mayordora dito sa bahay. Malaki ang respeto sa kanya ng ibang kasambahay.

"Sa Coffee Shop na lang po. Ma-la-late na kasi ako," sabay tingin ko sa relo ko. Hinagod naman nito ang buhok ko.

"Okay. Mag-iingat ka sa pagda-drive. Hindi pa bumabalik si Ernesto. Tukoy nito sa family driver namin. Ilang taon na din dito 'yon. Umuwi sa probinsya nila dahil nagkasakit ang anak. Pinayagan na namin dahil matagal-tagal na din itong hindi nakakauwi sa kanila.

"Opo. Kayo na pong bahala dito. Aalis na ako," paalam ko. Hinatid pa niya ako sa parking sa labas ng bahay.

Halos mag-iisang oras din akong na-stuck sa traffic. Nakakainis talaga dito sa pilipinas. Kailan kaya luluwag ang mga kalsada. Tsk! Ayoko pa naman na-la-late sa mga kausap ko lalo na kapag importante. Nakakasira ng araw.

Pagkadating ko sa tapat ng shop pinark ko muna 'yong kotse at naglakad na. Napansin ko agad ang dalawang babae na kausap si Kuya Roger. 'Yong guard namin. Ang ganda pa nga ng pagkakangiti, eh. May kausap lang na magagandang babae. Napapailing na lang ako.

Papasok na sana ako sa pinto kaso nakaharang 'yong isang babae na tantya ko ay nasa 5'3 ang height. Maputi na payat ang pangangatawan. Pansin dito ang hubog ng katawan nito. Sexy.

"Ehem." Tikhim ko. Mukhang hindi nila napansin ang paglapit ko.

"G-good Morning, Miss, A." Bati ng guard sa'kin ng makita niya ako. Tumango lang ako dito pumasok na sa loob. Pasimple pa akong sumulyap sa dalawang babae na nasa may pinto bago tuluyang pumasok sa office ko. Kanina pa 'yong supplier namin na naghihintay sa'kin.

"Good Morning po," bati ni Kiko sabay abot ng sample items ng mga cups at straw. Maiigi ko naman itong binusisi. Simple dapat magandang ang quality bukod sa mura.

"I will get this one," tukoy ko sa cup na nagustuhan ko para sa frappe.

"Thank you po for trusting." masayang sambit nito. Tipid na ngiti naman ang sagot ko dito.

"Alright. Sorry i was late a while ago," hingi ko nag paumanhin. Parang nagulat pa ito sa sinabi ko.

"No worries, Madam. Okay lang po." He politely said. Gusto ko ang aura ni Kiko. Halata kasing mabait at magalang. Tsaka napakasipag.

"So when will you deliver my orders?"

"After two day po mapapa-deliver ko na dito sa shop. Kailan ko lang po muna i-inform sa main office namin at sa warehouse about sa orders para isahang bagsakan na lang po sa iba pang sinusupplyan namin," paliwanag pa niya. I just nodded.

"Okay. Just call me or Lisa sa araw ng delivery," bilin ko pa dito bago siya umalis.

"Noted, Madam. Aalis na po ako,"

"Sige, Ingat."

Maya-maya din ay pumasok si Lisa at may hawak na papel. Paniguradong mga resume na naman 'yon ng applicants. Akala ko walang schedule today para sa interview. Inaabot nito sa'kin ang puting papel.

"What's that?" medyo mataray kong sabi. Parang ayoko kasing mag-interview ngayong araw dahil ang dami ko pang babasahin na mga papeles bago pirmahan.

"May isang walk-in na nag-aapply," aniya. Kinuha ko ang papel na hawak nito at tiningnan ang resume. Napansin ko agad ang picture na naka- attached. Parang familiar 'yong mukha. Now i remember who is she. "Sige papasukin mo dito," utos ko.

"Akala ko ayaw mo,eh. Pababalikin ko na lang sana," kutya pa niya. Isang matalim na tingin ang iginanti ko dito. Tinawanan naman ako ng loka-loka. Napatirik na lang ako ng mata habang natatawa na din.

Seryoso akong nagbabasa ng kontrata ng kumatok si Lisa at pinapasok ang isang babae. 'Yong girl na nakita ko kanina sa may pinto ng shop kausap si Kuya Roger. Applikante pala siya. Lihim naman akong napangiti.

"Miss, A. Siya 'yong applicant natin," sambit ni Lisa.

"Thank you, Lisa." turan ko bago ito lumabas. Nailawan kaming dalawa Pasimple lang akong nakamasid sa kanya na pansin ko naman ang pagiging mahiyain nito.

"G-good Morning, Mam." Bati niya.

"Morning."Tipid kong tugon. Binasa ko muna ang nakalagay sa kanyang resume.

"Your name is Peachy, where do you find out that we are hiring?" panimula ko.

"My friend told me that you're hiring, kaya nag-try akong mag-apply." magalang at mahina nitong sagot.

"Tell me about your self?" Umayos muna siya ng upo bago nagsalita ulit.

"We are four siblings. I'm the eldest. I'm the bread winner in the family," Tahimik lang akong nakikinig sa kwento niya.

"Are you still employed?" usisa ko, nakalagay kasi sa resume niya.

"Ahm, Yes po. Pero nag-resign na ako. Nag-re-render na lang ako ng days." Paliwanag ko pa.

"Why should i hire you?"

"I have a strong work ethic, I am a fast learner and a very enthusiastic this company and the job. I believe that my motivation and commitment will ensure that quickly become a productive and valued member of the team." Confident nitong sagot habang nakikipag-titigan sa'kin.'Yon ang gusto sa isang aplikante. Kabado man pero may presence of mind at hindi nabubulol kapag kinakausap. Actually, she's pretty. Napaka-attractive ng mukha niya. Maamo lalo na 'yong eye lashes niya, ang haba at ang ganda ng curve ng kilay pati lip-----. bigla ko naman iniwas ang tingin ko sa mukha nito. Binalik ko ang tingin sa papel na hawak ko.

"Alright. Lisa, will call you for the update. Thank you." Saad ko. Satisfied naman ako sa sagot niya kaya ayoko ng magtanong pa. Sumasakit na naman kasi ang ulo ko. Kailangan ko ng kape. Nakipag-shake-hands pa siya bago tuluyang umalis.

Tumayo at inayos ang damit ko bago lumabas ng office. Kumakalam na ang tiyan ko. Pagkalabas ko lumapit ako kay Lisa na abala sa pagtulong sa cashier. Nahagip din ng mata ko ang dalawang babae na nagku-kwentuhan na naka pwesto sa may gilid na malapit sa bintana.

"I'm hungry," saad ko kay Lisa habang hawak ang tiyan.

"Alam ko na ang gusto mo, Roasted ham, Egg and Cheese on Croissant Bun,"

"Mismo!" natatawa kong tugon.

"Sinong tinitingnan mo?" siko nito sa'kin na agad ko namang binawi ang tingin at binaling sa menu.

"Nandito pa pala sila,"

"Sino?" maang nito. Inikutan ko muna siya ng mata bago niya na-gets 'yong tinutukoy ko. Nangiti naman ito tsaka ako kinurot sa tagiliran. Muntik ko naman na maihampas sa kanya ang hawak kong menu.

"Pasado ba?"

Patay malisya naman ako at hindi sinagot ang tanong nito. "Bigyan mo din ako ng Bottled Caramel Frappuccino," sabay talikod ko dito.

"Suplada!" asar pa nito. Natatawang sumulyap pa ako sa dalawang babaeng nakaupo pa din do'n sa dulo. Nakita kong nakatingin din ito sa'kin kaya naman agad akong tumalikod at pumasok na sa loob ng opisina ko.

Ilang araw ang lumipas ngayon lang ako ulit bumisita sa shop. Nag-focus muna ako sa Mini Grocery namin na nagkaka-problema na pala sa mga tauhan. Porket maluwag si Kuya sa mga tao niya. Nalaman ko na ang daming late at may kumukupit sa kaha. Hindi ko alam kung paano 'yon nakakalusot.

"Kuya, kailan ka ba pwedeng mag-supervise sa grocery? puro pasaway mga tao mo. Kung hindi pa ako do'n pumunta, 'di ko malalaman ang mga pinaggagawa nila habang wala ka." Iritang saad ko. Nakakapang-init talaga ng ulo.

Nakita ko ang pagpasok ni Lisa at sumisenyas na may tao daw sa labas. I just nodded.

"I'll talk to you later," then i dropped the call.

"What is it?" naiinis pa din na tanong ko dito.

"Miss. Grumpy, nan'dyan na 'yong trainee natin. Ipapakilala ko lang sana siya with our crews at sana nando'n ka para makausap mo din sa mga rules dito sa coffee shop," nang-aasar pang sambit niya. Gusto ko na talaga siyang sakalan, eh.

"Kailangan pa ba talaga ako do'n?"

"Aba oo naman po, Madam. Kayo ang Boss."

Napakamot na lang ako sa ulo at inis na nagbuntong hininga, "Okay. C'mon," sabay na kaming lumabas ng office at pumunta sa counter. Wala pa naman gaanong tao kaya may time pa kaming mag-meeting saglit. Kumpleto ang staff na naghihintay sa'kin. Sabay-sabay naman silang bumati ng makita ako.

"Good Morning to all of you. Let's welcome the new member of this coffee shop, Peachy, right?" paninigurado ko pa. Tahimik lang itong nakatayo at nahihiya. Ngumiti siya kaya lumabas agad ang dimple nito malapit sa mata.

"Good Morning sa inyo. I'm Peachy but you can call me Peach. Salamat sa pag-welcome sa'kin." Mahinhin at parang namumula pa pisngi dahil lahat ay nakatingin sa kanya.

Pinakilala ko naman siya sa mga staff. "Be good to her, okay? teach her how to do the coffee and frappe. Sam, take charge," utos ko dito. Siya ay isa sa pioneer ng shop. Magaling na barista kaya alam kong madali niyang matuturuan si Peachy.

"Yes, Mam. Ako pong bahala sa kanya," magiliw nitong sagot.

"Dy, kalmahan mo lang. First day niya ngayon, baka ma-overwhelm naman kapag pinagawa mo agad ng kape." Bulong ni Lisa.

"Eh, anong gagawin niya?" sarkastiko kong tugon sabay sulyap kay Peach na nakikinig pala sa usapan namin.

"Assist muna siya sa counter tapos linis muna sa mga tables." aniya.

"Kayo na bahala. Basta matuto agad para wala ng problema," saad ko bago ko sila tinalikuran. Mainit pa din ang ulo ko dahil ang aga-aga problema agad bungad kanina sa'kin.

What a day. Kapag bad mood talaga ako, ayoko ng kausap. Even suppliers na mga pasaway. Kanina nga napagalitan ko 'yong nagde-deliver ng tissue. Paano naman kasi, dapat last week pa 'yon, ang kaso ngayon lang dumating. Naiinis ako kapag nauubusan ng mga stocks para sa shop. Ang daming kailangan intindihin. My Gosh! nilagok ko ang kapeng natitira sa tasa ko.

Pumasok si Lisa na may dalawang pizza. Pinatong niya ito sa mesa. "Oh, kumain ka ng lumamig 'yang ulo mo. High-blood ka na naman, eh."

"Tseh! hindi ako nagugutom," snob ko dito. Bigla naman nitong hiniklas ang buhok ko. Natampal ko naman ito agad sa pisngi. Kapag kaming dalawa nandito sa loob ng office ko panay harutan kami. Hindi nakikita ng mga staff 'yon. Lisa is my good friend. My share siya dito sa coffee shop. She's my secretary slush supervisor at manager na din. Hahaha!

Siya ang toka pagdating sa mga staff. Stocks and all. Ako lang ang approver kapag meron siyang mga suggestion. Magkasundo kami lalo na sa ikakaganda ng shop namin.

"Chill ka lang, pwede? kaya 'di ka nagkaka-boyfriend dahil lalapit pa lang sa'yo pinandidilatan mo na ng mata," kutya nito.

Totoo naman. Mapili ako sa lalaki. Last boyfriend ko ata is no'ng college pa. After that wala ng nagtangka. Kulang na nga ang oras ko sa mga negosyo namin tapos maglo-love life pa 'ko? paano ko naman masisingit 'yon, aber?

"Chill naman ako, ah?" Irip ko dito.

" Duh! Baka 'di makatagal 'yong bagong staff sa kasungitan mo," tirada naman niya.

"Mabait ako, okay?" insist ko.

"Mabait kapag tulog kamo," bulong pa niya.

***