Chapter 49

"Bakit hindi ka pumasok?" tanong ni Ram sa kanya. "Hindi ka naman basta nag absent ah."

"Tinanghali ako ng gising.." sagot ko sa kanya. Totoo naman yun, hindi ako agad nagising.

"Yung asawa mo, narito, kasama niya si Raquel.." pagbabalita niya sa akin.

Napatda ako sa sinabi niya. Hindi ko akalaing pupunta doon ang babaeng iyon. Sinadya ba niya na hindi ako gisingin upang magsolo silang dalawa?

Pero impossible naman. Wala namang nabanggit si Ludwig sa kanya na tungkol sa bagay na iyan. Hindi nito nasabi sa kanya na pupunta si Raquel doon.

"Estella? hello? nandiyan ka pa ba?" nawala na sa alaala ko na kausap ko si Ram, "pupunta ka ba?"

"Ah.. eh hindi na.. dito na lang ako sa bahay. Alam ko namang may dahilan kaya siya nagpunta diyan. Okay lang naman iyon sa akin." sagot ko sa kanya.

"Sigurado ka ba? Okay ka lang ba talaga?" Nag-aalalang tanong ni Ram. Narinig ko ang pag-aalala sa boses niya. Alam niya kung gaano ko kamahal si Ludwig, at alam niyang malaki ang posibilidad n