Chapter 56

Biglang nagtayuan ang kanyang mga kasama upang makiusyuso sa bagong dating na dumadaan.

"Si mam Raquel?" tanong ni Irene.

"Oo, bagong investor daw ng kumpanya," sagot ni Elena.

"Mukhang makakakita na naman tayo ng love team dito at makakakain tayo ng masarap every weekend," wika pa ni Irene.

"Hi guys," bati ni Raquel pagtapat sa kanilang department, "hi, Estella.."

Napatingin ang lahat sa kanya. Mga matang nagtatanong bakit siya binati ng babae.

"Hi Raquel.." mahina niyang sagot at kiming ngumiti.

"Kumusta na kayong lahat?" baling ni8 Raquel sa mga tao doon, "malapit na akong mag office dito kaya sana, maging okay ang relasyon natin sa isa't isa.." nakangiti niyang sabi.

Si Estella sa kabilang Banda, ay parang hindi mapakali. Ang pakiwari niya sa sinasabi ni Raquel ay parang kaplastikan.

Habang nakatayo si Raquel sa gitna ng departamento, ramdam niya ang tingin ng lahat sa kanya. Nagtataka ang mga tao kung paano siya nagkaroon ng access sa kanilang lugar at kung ano a