51: Doubts

SA PAGKAKAALAM ni Yanna ay galit si Fiona kay Hiraya Cruz, ang biological mother ni Yanna na nakulong ng ilang taon dahil napag-alaman na pinagpalit nito ang anak sa anak ng mga Smith para magkaroon ng marangyang buhay.

Nakatitig siya ngayon sa harap ng tablet niya sa kusina ng tinutuluyang condo. Sinulat niya ang nangyari ngayong araw, na nakita niya si Fiona na lumabas mismo sa hospital room ni Hiraya. Napuno ng pagtataka ang isip niya.

Nasa ganoon siyang posisyon nang pumasok ni Kristoff. Lumapit ito sa kanya at humalik sa ulo nito bago naupo sa tabi niya.

"What happened? Hindi kayo nakapag-usap?" tanong ni Kristoff.

Sinadya niyang hindi magkwento sa text dahil gusto niyang personal na sabihin dito ang nasaksihan.

Tinuro niya ang nakasulat na sa tablet niya at nakabilog pa ng kulay pula.

"Lumabas si Fiona sa kwarto ni Hiraya," basa ni Yanna sa sariling sulat at kinagat ang hinlalaki sa kamay habang nag-iisip. "Something is really weird."

"What? May kasama ba siya?" tanong ni Kristo