54: Her Story 1

SINUNDAN NI DAVID nang tingin ang sasakyan ni Yanna na papalayo. Ilang araw rin siyang hindi nagparamdam sa babae dahil ayaw niyang tuluyang magalit ito sa kanya.

Ngunit ngayon na nagkausap sila at nilinaw niya kay Yanna ang totoong nararamdaman niya, pakiramdam ni David ay mas lalong lumayo ang loob sa kanya ng babae. Pero naiintindihan niya iyon, sino nga ba naman siya para tanggapin at patawarin pagkatapos ng lahat.

Nang hindi na niya matanaw ang sasakyan ni Yanna ay tumalikod na siya para bumalik sa loob nang bigla nalang siyang salubungin ng kamao ng kung sino.

Nalasahan niya ang metal sa bibig. Pinunasan niya iyon at nakita ang ilang patak ng dugo sa kanyang kamay. Nanlilisik ang mga mata at handa ng sumugod nang makilala niya kung sino iyon.

Sumalubong sa kanya ang itim at nagngangalit na mga mata ni Paulo. Isang suntok na naman ang pinakawalan ng lalaki at tinanggap na lamang iyon ni David. Hindi siya gumanti at hindi niya rin iyon iniwasan.

Matapos ang dalawang suntok ay k