43: Family Reunion

TATLONG ARAW NG HINDI nagpupunta ng opisina si Yanna mula noong araw na nagtalo sila ni David. Hindi niya sinabi sa kahit na sino ang nangyari at wala na rin namang nagtangkang magtanong pa sa mga staff niyang nakasaksi sa pagpunta ni David doon.

Isang ordinaryong umaga lang ang araw na ito kay Yanna. Nakapag-grocery na siya kahapon kaya naman balak niya nalang magluto ngayong araw habang naka-open ang laptop niya in case na kailanganin siya ng mga empleyado niya.

Ngunit isang text ang nagpabago sa plano niyang gawin.

Nakatanggap siya ng tawag mula kay Elizabeth Smith. Hindi na niya kailangan hulaan ang numero dahil naka-save na ang mga number nila sa phone niya. Nagyayaya ito na mag-lunch at para makapag-usap sila. Wala masyadong laman ang mensahe kaya sinagot na lamang niya iyon ng 'okay'.

Simpleng mint green midi dress lang ang sinuot niya. Ayaw niya naman maging masyadong pormal o masyadong ordinaryo sa pagharap sa pamilyang iyon. Kinakabahan siya at naisip niyang tawagin si Krist