48: Half Truth

NAKAPALUMBABA SI YANNA sa mesa habang nakatingin kay Kristoff na ngayon ay nag-aayos na ng mga gamit dahil katatapos lang ng meeting niya.

Sa halip na hintayin si Kristoff sa labas ay pumasok na lang din muna siya sa hotel at hinintay matapos ang meeting nito. Nagtataka man ay hinayaan nalang din siya ng lalaki roon.

"Na-bored ka sa labas?" tanong nito nang tuluyang matapos ang meeting. "Are you hungry? Kain na tayo?"

Ngumuso siya. "Mag-order nalang tayo ng food."

"Huh? Ayaw mong lumabas? Akala ko gusto mo mag-dinner sa open area para mahangin?" nagtatakang tanong ng lalaki at agad napalitan ng pag-aalala. "May nangyari ba habang wala ako, Yanna?"

Lumunok ang babae at ang mga kamay ay kusang kumuyom nang pumasok na naman sa isipan ang mga nangyari kanina. As usual ay si David na naman ang dahilan ng pagkulo ng dugo niya. Mula noong una siyang dumating sa Pinas hanggang ngayon ay hindi siya tinitigilan ng lalaki.

May mga sandaling naiisip niyang magpatawad. May mga minuto na gusto niya