42: Painful Memories

"WAG MONG IDAMAY si Kristoff sa usapan natin, David. Kung ano man ang kailangan mong sabihin, sabihin mo na. 'Wag mo ng pahabain pa ito."

Matagal bago sumagot si David. Nag-iwas ito ng tingin kay Yanna at lumunok ng ilang beses bago magsalita.

"Lahat ng nangyari noon, lahat ng hindi ko alam, at lahat ng alam ko na kasinungalingan... pwede mo bang sabihin sa akin lahat? I will listen. I will try to understand."

Kumurap-kurap si Yanna at tumingin sa itaas upang mapawi ang mga luhang namumuo sa mga mata niya pagkatapos ay malamig na tinignan ang lalaki. Nakakuyom ang isang kamay niya sa suot na blouse habang pilit kinakalma ang sarili.

"Too late." Inikot niya ang dila sa loob ng kanyang bibig at pagkatapos ay nagbuga ng malalim na hininga. "Matagal ng tapos lahat 'yan, David. At matagal ko na ring binaon sa limot lahat."

"Kaya nga ako nandito ngayon. I want to listen and know everything--"

"Gago. Gago ka talaga, eh noh? Nagpunta ka rito para sabihin iyan? Ano'ng karapatan mong tanungin s