45: Take a Break

WALA SA TAMANG HUWISYO si Yanna kinabukasan. Mugto ang mga mata niya at halatang hindi nakatulog.

Lumabas ito ng kwarto at naabutan si Kristoff na naghahanda ng agahan. Napangiti ang dalaga bago tuluyang lumapit sa lalaki.

"Good morning," magaan at tila nananantiyang sabi ni Kristoff habang nagtitimpla ng kape.

Umupo si Yanna at tinanggap ang binigay ni Kristoff na kape sa kanya. Ang mabangong aroma ng kape ay tila nagpagaan kahit papaano ng nararamdaman niya.

"May trabaho ka ba ngayon? Sorry," nahihiyang sabi ni Yanna. "Seriously, kaya ko naman, Kristoff. Kung may lakad ka or may meeting, you can go. Hindi ako lalabas ng bahay ngayong araw."

"Yanna, fiance mo ako. Bukod doon magkaibigan tayo, we're partners. To hell with other things, I'm staying here with you, alright?"

Ngumuso ang babae bago nagpakawala ng maikling ngiti. Pagkatapos ay napatitig siya sa lalaking nasa harapan. Umupo naman si Kristoff sa katapat na upuan ni Yanna.

"Alam mo, akala ko ayos na ako, na kaya ko na silan