44: The Request

"KUMUSTA KA NAMAN, HIJA?" tanong ni Elizabeth Smith sa kalagitnaan ng pagkain nila. "Sobrang nabibilib kami sa ginawa mong pagtatayo ng ganitong klase ng restaurant."

Pilit ang ngiti na sinagot ni Yanna ang tanong na iyon.

"Ayos lang naman po. I should do great in my second life," aniya na may bahagyang patama sa kanila.

Bumakas ang lungkot sa mata ng ginang at humigpit ang hawak ni Yanna sa tinidor. Mas lalo siyang kinabahan nang mahuli si Wilson Smith na matamang pinapanood ang bawat galaw niya.

Lumunok siya ng isang beses bago ngumiti sa matandang lalaki.

"So, pwede ba naming malaman kung saan at paano kayo nagkakilala ni Kristoff?" sabi ulit ng babae.

Gusto na niyang umalis at nasusuka na siya sa paraan ng pagkausap nito sa kanya. Mas gusto niya pa na galit ito kaysa nagbabait-baitan.

"Ahh, sorry, hindi po ako komportableng pag-usapan. But Kristoff helped me a lot in building my business. Doon kami naging malapit sa isa't isa talaga..."

Tumango-tango ang ginang at pinuna ang suot