34: Limited Edition

"YAY!! Pupunta kami ni Tito Kristoff sa beach, Mommy?"

Agad nawala ang antok ni Nate nang ibalita ni Yanna ang sandaling bakasyon nito kasama si Kristoff.

Sobrang close ng anak niya kay Kristoff, aside from Pau, the man really stood as Nate's father. Ang alam ng iba ay siya talaga ang ama dahil sa tagal at dalas nilang magkasama ay may mga pagkakataong nagagaya na ni Nate ang ilang bagay tungkol kay Kristoff.

"Yes, baby. Babalik kayo bukas kaya mag-behave ka doon, ha?"

Malambing na yumakap sa kanya ang anak.

"Bakit hindi ka po sasama?"

Pagkatanggal niya sa pagkakayakap ni Nate ay hinawakan niya ang pisngi ng batang lalaki.

"Babawi si mommy, hmm? May mga kailangan lang akong gawin," sagot niya.

Malawak na ngiti ang pinakawalan ng pitong-taong gulang niyang anak. He's turning eight in a few months, and that thought saddens Yanna.

"Ang laki-laki mo na, bakit ang bilis naman lumaki ng baby boy ko?" sambit niya sa anak na dapat ay sa isip niya lamang.

Nate cutely giggled. "Big boy na ako,