38: Little Family

WALA SA SARILI si Yanna habang naghahanda ng mesa. Parating na kasi sina Kristoff at Nate, tapos na rin siyang magluto kaya naman nag-aayos nalang siya ngayon.

Pero ang isip niya ay naroon pa rin sa naging pag-uusap nila ni David. Hindi niya maintindihan ang gustong iparating ni David. Nagpunta ba siya roon para pagsabihan dahil sa ginawa niya kay Fiona o nagpunta ito roon para insultuhin siya?

"Mommy!"

Nabalik lang siya sa ulirat nang patakbong sumalubong sa kanya si Nate. Napangiti siya at sinalubong ng yakap ang anak. Mahigpit niyang niyakap ang bata na tila ba doon siya kumukuha ng lakas.

"Kahapon pa walang maayos na tulog iyan, sobrang hyper," natatawang sumbong ni Kristoff. "Nagluto ka?"

Tumango si Yanna at ngumiti. Hinawakan niya ang kamay ni Nate at inakay patungo sa upuan nito.

"Yup. Sinipag magluto," nakangiting aniya. "So, kumusta ang bakasyon?"

Nagtinginan ang dalawang lalaki at sabay humagikhik. Wala pa man ay napatawa na rin si Yanna habang nakatingin sa kanila.

Sa isipa