33: I Trust You

NANGHIHINA siya habang nasa sasakyan. Hindi akalain ni Yanna na ganoong klase ang magiging unang pag-uusap nila ni David.

Pag-uwi ay sumalubong sa kanya ang anak na si Nate at sa sandaling iyon ay napawi lahat ng nangyari kanina. Lahat ng pagod at sakit na muling nanumbalik.

"Mommy!" tawag ng anak at patakbong nagtungo sa kanya. "Hinihintay kita, sabi ni Tito Kristoff kanina pauwi ka na raw."

Umupo si Yanna sa sofa ng tinutuluyang condo at tinawag ang anak na umupo rin sa tabi niya. Tinitigan niyang mabuti ang bata. Nate looks like the boy version of him. Only with a fiercer aura.

"Gabi na. Kumain ka na?"

"Nandito si Tito Pau kanina kaya nagluto siya." Nagsalubong ng bahagya ang kilay ng bata. "Are you tired, mommy?"

Ngumuso ang babae bago ngumiti at niyakap ang anak.

"Hmm... pa-recharge nga muna si mommy."

Napapikit si Yanna nang yumakap pabalik si Nate sa kanya. Hindi nagbabago ang isip niya. The only thing that worth it for everything that happened is that she has her Nate now. Sa