12: The Older Brother

"Kristoff Walton? May kapatid si David?"

Bahagyang nagulat ang kasambahay sa naging tanong niya. At maski siya ay nagulat sa sarili.

She dated David for a year, at ngayon ay na-realize niya na wala nga siyang halos alam sa lalaki. Kung may kapatid ba ito o wala. Ang alam niya lang ay galing ito sa maimpluwensyang angkan.

"Woah! Kung gano'n, alam ba ito ng mga Smith?" tanong niya sa kaharap bagaman batid niyang hindi naman nito maibibigay ang kasagutang hinihingi niya.

"Hindi niyo po kilala si Sir Kristoff? Siya ang mas nakakatakot na bersyon ni Sir David, seryoso at istrikto. Ang sabi-sabi pa nila ay wala itong pakielam sa kahit na ano at sino, ang mahalaga sa kanya ay ang negosyo nila at mag ari-ariang pag-aari niya," pahayag ng babae.

"Kung ganon ay madalas ba siya rito? Si Kristoff..."

Hindi niya mapigilang hindi makuryoso. Bago sa pandinig niya ang pangalan na iyon at bakit parang pangalan palang nito ay nasisindak na silang lahat.

Masungit din naman si David at nakakatakot pero m