KABANATA 64

Walang tatalo sa kabog ng puso ni Yvonne sa oras na iyon dahil sa tawag ng kanyang ama. Ni hindi siya nakasagot agad.

"Pumunta ka ngayon din dito sa mansyon!" galit pa nitong utos bago pinatay ang tawag.

Napapikit siya nang mariin at mahigpit na hinawakan ang cellphone.

"Shit!" mahinang mura niya dahil alam niyang magigisa na naman siya at hindi niya alam kung paano lulusutan iyon!

Kahit ayaw niyang magpunta sa mansyon ng ama niya ay pinilit niya ang sarili. Sa harap pa lang ng malaking gate ay nangangatog na ang mga binti niya. Kung hindi niya nabungaran si Margarita ay baka hindi siya ngumiti.

"Yvonne! Thank you nga pala at tinawagan mo ang driver," tukoy nito noong naglasing ito.

Pilit siyang ngumiti at tumango lang. Hindi siya makakibo. Natatakot nga siya na marinig nito ang pag-uusapan nila ng ama niya.

"Nandito na ang anak mo sa labas," maanghang na bigkas ng mama ni Margarita.

Agad na kumuyom ang kamao niya dahil sa Ginang. Naalala niya rin kasi bigla ang usapan nila sa opisina