KABANATA 63

"Tissue para sa kaibigan kong tanga," parinig ni Nina sa tabi niya.

Napasimangot si Yvonne pero hindi rin mapigilan ang pangingilid ng luha niya. Na-kwento na niya kay Nina ang nangyari kagabi at literal na sinesermunan siya at inaaway nito mula pa kanina.

"Napakatalino mong babae pagdating sa negosyo pero tanga ka naman pagdating sa pag-ibig—"

"Di ko pa siya mahal," pagrarason niya rito.

Namewang ito sa harap niya at mahina pang hinampas ang counter sa harap nilang dalawa.

"Kwento mo sa pagong iyang pag-ibig mong pururot," pagtataray nito.

Napalabi siya at hindi magawang magtaray pabalik. Mali naman kasi siya at kasalanan naman talaga niya. May chance na siya na piliin si Alaric pero mas ginusto niyang ipamigay ito sa iba.

"Ano na ba ang gagawin ko? Hindi ko na mababawi ang desisyon ko," mahinang maktol niya.

Inirapan siya ni Nina na halatang dismayado sa kanya, "Tanga-tanga mo talaga—"

"Makatanga ka naman diyan! Sakit ah!" reklamo niya pa rito.

"Che! Tanga ka naman talaga. Yakap mo