KABANATA 62

Bago pa man makasagot si Alaric ay agad na pinatay ni Yvonne ang tawag. Natakot siyang baka um-oo ito o kaya ay magalit ito.

"Bakit ka ba naman kasi naglasing, Margarita!" inis niyang litanya.

Binalikan niya ito sa backseat at kinalkal ang contacts nito sa cellphone. Tinawagan niya ang driver nito at hinintay roon para naman may maghatid sa kapatid niya.

"Ihahatid ko na rin po kayo, Miss Yvonne," presinta nito.

Hindi na siya tumanggi. Ano'ng oras na rin iyon at baka mapahamak pa siya sa daan.

Tahimik lang naman siya sa biyahe. Ayaw niyang magtanong kung kumusta ang ama niya. Malamang kasi na galit ito o disappointed dahil hindi siya nagpakita sa meeting. At malamang na nagdidiwang ang asawa nitong si Susan.

Nawala sa iniisip niya ang atensyon matapos matanaw sa tapat ng gate niya ang sasakyan ni Alaric. Napaahon siya mula sa pagkakasandal sa upuan at napatitig doon. Binalot siya ng kaba. Sana ay tulog ito!

"Diyan na lang po. Tatakbuhin ko na lang po ang distansya," tarantang utos niya