KABANATA 61

Hindi makasagot si Yvonne. Sa oras na iyon ay wala siyang maisip na kasinungalingan. Nataranta pa siya matapos makita ang pagbukas ng conference room at iluwa noon ang matandang Castellanos.

"Sh*t," mahinang bigkas niya.

Napasulyap si Alaric sa likod nito at bago pa man magtungo ang mga mata ng matandang Castellanos sa kanila ay nahapit na nito ang balikat niya at tinangay paalis doon. Lakad takbo sila hanggang sa harap ng elevator.

"Alaric!" malakas na pagtawag ng Lolo nito na hindi nito pinansin.

Saktong pagbukas ng elevator ay agad siya nitong tinulak doon nang marahan at sinandal sa salamin. Inabot nito ang button patungong ground floor bago siya mariin na tinitigan.

Napayuko siya ngunit inangat lang nito ang baba niya kaya't wala siyang magawa kun'di tingnan ito ng diretso sa mga mata. Pinunasan pa nito ang pisngi niya pero alam niyang galit ito ngayon.

"What are you doing here?" malamig na tanong nito muli sa kanya.

Nahigit niya ang hininga at halos maduling sa sobrang lapit nit