Chapter 4

Pagkauwi ni Emily sa bahay nila, tumambad sa kaniya ang mga basag na bote ng alak at ilang mga kagamitan nila na nakakalat sa sala. Basag din ang kabibiling flatscreen na TV nila. Agad siyang nagtungo sa kwarto nila para kunin ang mga gamit niya. Sa condo ni Tina muna siya pansamantalang titira habang kasi maghahanap pa siya ng bagong malilipatan niya.

"Aalis ka?" Hindi makapaniwalang tanong ni Ethan pagkapasok nito sa kwarto nila.

Hindi siya pinansin ng dalaga. Dire-direso lang ito sa pagsilid ng mga gamit nito sa loob ng maleta. Humakbang siya papalapit sa dalaga, pero agad rin siyang napahinto nang bigla siyang batohin ng unan ni Emily.

"Huwag na huwag kang lalapit sa akin!" sigaw ng dalaga at isinara ang cabinet.

"Pakinggan mo muna ako, Emily. Hindi ko sinasadya. Nadala lang ako. Hindi ko mahal ang kaibigan mo. Ikaw ang mahal ko," ani ng binata at muling humakbang papalapit sa dalaga. "Emily, patawarin mo ako. Huwag mo naman akong iiwan. Sayang ang pitong taong pinagdaanan natin -"

"Sana inisip mo 'yan bago mo ako ginawang tanga, Ethan!" sigaw ni Emily.

"Mahal na mahal kita, Em. Patawarin mo ako. Pangako, hinding-hindi na mauulit 'yon. Hinding-hindi na ako magpapadala sa temptasiyon -"

"Tama na, Ethan! Kahit anong pagpapaliwanag mo, hinding-hindi pa rin kita mapapatawad! Sinayang mo ang pitong taong pinagsamahan natin! Sinira mo ang lahat-lahat! Inabuso mo ang pagmamahal na ibinibigay ko sa 'yo! Hindi ako manhid para patawarin ka ng ganoon lang kadali matapos niyo akong lokohin, Ethan!"

"Emily, huwag naman ganito. Huwag kang aalis. Huwag mo akong iiwan..." pagmamakaawa ng binata. Lumuhod ito sa harapan ng dalaga. "Bigyan mo ako ng pagkakataon para maitama ang pagkakamali ko. Pangako, babawi ako sa 'yo. Huwag mo lang akong iwan. Mahal na mahal kita."

"Mahal? Kung totoong mahal mo ako, Ethan, bakit mo ako niloko? Bakit mo pinatulan ang best friend ko? Bakit siya pa? Kasi napupunan niya ang mga pagkukulang ko sa 'yo? Kasi kaya niyang ibigay ang sarili niya sa 'yo? Mahal kita, Ethan, pero hindi ako manhid! Kahit mahal kita, hinding-hindi ako mananatili sa isang taong katulad mong manloloko! Magsama kayo ni Eunice!"

Hinawakan ni Ethan ang paa ng dalaga nang palabas na ito sa kwarto nila. "Patawarin mo ako, Emily. Huwag mo akong iwan, please. Maawa ka sa akin. Hindi ko kayang mawala ka sa buhay ko. Hindi ko kakayanin, Em. Bigyan mo ako ng isa pang pagkakataon na itama ang pagkakamali ko. Please, Em..."

"Kahit anong gawin mo, hinding-hindi na natin maibabalik ang dating tayo, Ethan," ani ng dalaga at sinipa ang binata kaya nabitawan nito ang paa niya. "You can use this house to build a family with Eunice."

Emily was building a man for another woman. Hindi niya aakalain na ang bahay na pinagpaguran nilang maitayo ay mapupunta lang sa wala. Kung hindi rin tatanggapin ni Ethan ang bahay, naisip niya na ibenta na lang ito at hahatiin nila ang pera. 'Yon ang nasa isip niya habang tinatahak ang daan patungo sa condominium unit ng kaniyang kaibigan.

Pagdating niya sa condo ni Tina, nakita niya si Luna na nagbubukas ng wine. Nakalapag sa mahabang mesa ang mga pagkain at inomin, at para siyang mabibingi sa sobrang lakas ng musikang pinapatugtog ng mga kaibigan niya.

Ikinuwento ni Emily ang nangyari kagabi sa bahay nila habang kumakain at nag-iinoman. Kahit papaano ay nabawasan ang sakit na nararamdaman niya. Hindi niya naramdaman ang mag-isa.

"Saan ka natulog kagabi? Don't tell us na sa bar ka naabotan ng umaga o umuwi ka pa rin sa bahay niyo," tanong ni Tina bago uminom ng wine.

Napahinto si Emily sa pag-inom ng wine at tumingin sa mga kaibigan niya. Nakataas ang mga kilay nito habang hinihintay siyang sumagot.

"Imposibleng sa bar ka natulog," dagdag pa ni Tina.

"I slept with another man," nahihiyang pag-amin niya. Wala siyang balak umamin sa katangahang ginawa niya kagabi, pero ayaw niya rin maglihim sa mga kaibigan niya.

"What?" sigaw ng dalawang kaibigan niya. Natapon pa ang ilang mga pagkain at wine sa sobrang gulat.

"Sino? Kilala mo ba? Guwapo? Mayaman?" sunod-sunod na tanong ni Luna.

"So, inisuko mo ang 'yong sarili sa lalaking kagabi mo lang nakita kesa sa ibigay ito sa long-time boyfriend mo?" tanong naman ni Tina.

"Wait lang. Isa-isa lang. Ang dami niyong tanong," reklamo ni Emily at muling uminom ng wine.

Ikinuwento niya ang nangyari, pero hindi niya sinabi kung sino ang lalaking nakakuha sa kaniya kagabi. Ang mahalaga ay alam ng mga kaibigan niya ang nangyari.

"Dapat hiningi mo ang pangalan ng lalaki. What if nabuntis ka?" pangungulit ni Luna.

"Hindi ako mabubuntis. Nakita ko naman kung paano niya isinuot ang condom," saad ni Emily.

"Ang taray! Biglang naging wild ang mala-anghel nating kaibigan. Nagmahal, nasaktan, nakipag-one-night stand!" pagbibiro ni Tina at sinundot-sundot ang tagiliran ni Emily.

"Alam niyo naman kung gaano ako ka-loyal kay Ethan. Pitong taon akong loyal sa lalaking 'yon, pero niloko niya pa rin ako. Hindi naman considered na cheating ang ginawa ko. Nakipaghiwalay ako sa kaniya bago ako pumatol sa ibang lalaki." Napahawak si Emily sa ulo niya nang bigla itong sumakit. "May gamot ka ba sa sakit ng ulo, Tina?"

Agad namang kumuha ng gamot si Tina at ibinigay ito kay Emily. "Panghuling bote na 'to. May mga trabaho pa tayo bukas. Lalo ka na, Emily. Sumasakit na naman ang ulo mo."

Napatingin si Emily sa cellphone niya nang napansin ang pag-vibrate nito. Kinuha niya ang cellphone niya at tiningnan kung sino ang nag-text. Agad niyang binuksan ang mensahe nang nabasa ang pangalan ni Manager Norma.

"You are one of employees who will be chosen to be Sir Marco's personal assistant. Don't be late tomorrow because he will choose who will be his personal assistant. If you are late, your salary will be deducted."

Gulat na napatingin ang mga kaibigan ni Emily sa kaniya pagkatapos niyang ibato ang cellphone sa couch. Pinulot ni Luna ang cellphone niya at binasa ang mensahe galing kay Manager Norma. Hindi rin mapigilang makiusyoso ni Tina lalo na't nakabusangot na ang mukha ng kaibigan niya.

Nagtatalon sa sobrang tuwa ang mga kaibigan niya matapos nilang basahin ang mensahe. Niyakap nila ng mahigpit si Emily at niyuyugyog ang katawan nito.

"Galingan mo bukas! Dapat ikaw ang mahigit personal assistant niya para lagi kang may update sa mga ginagawa ni Sir Marco!" saad ni Tina habang tumitili.

"Ayokong maging personal assistant niya, 'no. Ayos na sa akin ang trabaho ko," reklamo ni Emily. Kung wala lang sanang nangyari sa kanila kagabi, hindi siya maiilang na makatrabaho ang boss nila. Pakiramdam niya, gusto lang siyang asarin ng binata o pagtripan.

"I'll resign," saad niya na siyang ikinagulat ng mga kaibigan niya.