Chapter 3

"Ayos ka lang ba?" tanong ni Luna kay Emily nang napansing tahimik ito habang kumakain sila ng pananghalian sa pantry.

"Ikwento mo na lang kaya sa amin kung paano mo nalaman na may relasyon silang dalawa," pagpaparinig ni Tina nang nakitang dumaan si Eunice sa harapan nila.

"Huwag dito, Luna," saway ni Emily.

Kahit ganoon ang ginawa ng matalik niyang kaibigan, ayaw niya pa rin itong ipahiya sa maraming tao. Ilang taon niya rin kasi itong nakasama. At sa mahabang taon ng pinagsamahan nila, hindi niya man lang napansin na may relasyon ang boyfriend at best friend niya.

"Emily..." Nabitawan ng dalaga ang hawak niyang kubyertos nang narinig niya ang boses ni Ethan.

Tumayo ang dalaga at hinarap ang binata. Ngumisi siya nang nakitang may dala itong bulaklak. "Anong ginagawa mo rito?" kaswal na tanong niya. Napasinghap siya nang napansin ang paglingon ng ilang empleyado sa kanila.

"Pakinggan mo naman ako, please..." pagmamakaawa ng binata.

Kinrus ni Emily ang mga braso niya. "Para saan pa, Ethan? Umalis ka na rito kung ayaw mong ipakaladkad kita sa mga guwardiya," pagbabanta niya, pero hindi nagpatinag ang binata.

"Mag-usap muna tayo. Bigyan mo ako ng kahit sampung minuto lang -"

"May trabaho pa ako," sabi ng dalaga. Niligpit niya ang kaniyang mga gamit.

Humakbang papalapit si Ethan sa kaniya kaya napahinto ang dalaga sa ginagawa niya. Hindi na rin ipinagpatuloy ng mga kaibigan ni Emily ang pagkain kasi nakuha ni Ethan ang mg atensiyon nila. Galit din sila kasi niloko nito ang kaibigan nila.

"Miss Emily Ford, pinapatawag po kayo ni Sir Marco," anunsiyo ng isang empleyado na kapapasok lang sa pantry.

Nasapo ni Emily ang noo niya nang naalala ang nangyari kagabi kasama ang boss niya. Napakagat-labi siya nang sumagi sa isipan niya ang ginawa niya kanina bago ito umalis sa kwarto ng binata. Iniwan niya pa ito ng pera. Wala siyang ibang choice kundi puntahan ang boss niya para na rin maiwasan si Ethan. Mas gugustohin niya pang puntahan ang boss niya kesa harapin ang lalaking nangloko sa kaniya.

Huminga muna ng malalim si Emily pagdating niya sa labas ng opisina ng kanilang boss. Pinagpapawisan siya sa sobrang kaba kahit malakas naman ang aircon.

"Hindi niya sana ako mamukmahaan," bulong niya sa sarili habang nagpupunas ng pawis.

"Pasok po kayo, Ma'am Em," saad ng janitor na si Junjun nang nakita nitong nakatayo ang dalaga sa labas.

"Nandiyan ba sa loob ang boss natin?" tanong ng dalaga at sumilip sa loob.

"Yes, Ma'am."

Bumilang muna siya ng lima bago pumasok sa loob. She's still wondering kung bakit siya pinatawag ng boss nila. Kung tungkol ito sa reports na kinolekta ng manager nila kanina, sigurado naman siya na natapos niya ang trabaho niya bago ang deadline.

"Good afternoon, Sir," kinakabahang bati ng dalaga pagkapasok niya sa loob at nanatiling nakayuko.

"Good afternoon, Miss Emily," bati naman ng binata na siyang nagpatindig sa balahibo ng dalaga. Tumayo ang binata at umupo sa mesa. Pinagmasdan niya ang kabuohan ng dalaga. Gusto niyang matawa nang naalala ang ginawa nito kanina. "I didn't know that you're one of my top employees."

Nanigas ang dalaga sa kinatatayoan niya. Hindi siya makatingin sa binata kasi nahihiya siya. Nanunuyo rin ang lalamunan niya sa sobrang kaba.

"Pinatawag kita rito kasi may ibabalik ako sa 'yo," saad ng binata at kinuha ang perang ibinigay ni Emily sa kaniya kanina.

Dahan-dahang nag-angat ng tingin si Emily sa binata. Nagtataka ito kung ano ang isasauli ng binata sa kaniya kasi wala siyang maalala na may hiniram ito sa kaniya. Humakbang papalapit ang binata kay Emily, dahilan kaya mas lalong nakaramdam ng kaba ang dalaga.

"I'll return this money," ani ng binata at ipinakita ang perang iniwan ni Emily bago ito lumabas ng kwarto kaninang umaga. Kinuha niya ang kamay ng dalaga para ibinalik ang pera. "I'm not a prostitute. I'm your boss, Emily Ford," bulong ng binata na siyang nagpatindig ng balahibo ng dalaga.

Nanlalamig ang buong katawan ng dalaga nang lumabas siya sa opisina hawak-hawak ang isinauling pera ng binata. Hiyang-hiya siya sa boss niya kasi naibigay niya ang sarili rito. Pakiramdam niya pinandidirian siya nito kasi nakipag-one-night stand.

"Anong nangyari sa mukha mo? Para ka namang pinagsakluban ng langit at lupa," bungad na tanong ni Tina sa dalaga habang sumisimsim ito ng milk tea. "May mali ba sa trabaho mo kaya ka pinatawag? Imposibleng magkakamali ka sa trabaho mo kasi isa ka sa pinakamagaling dito!" dagdag pa ni Tina.

Pagod na umupo si Emily sa upoan niya at ipinikit ang mga mata. "Gusto ko ng umuwi. Maghahanap pa ako ng malilipatan mamaya," sabi ni Emily imbes sagotin ang tanong ng kaibigan niya.

"'Yan lang ba ang pinoproblema mo? Welcome na welcome ka sa condo ko." Kumunot ang noo ni Tina nang naisip kung bakit ito naghahanap ng malilipatan. "Aalis ka sa bahay mo at hahayaan mong tumira ang mga taksil na 'yon doon? Wow, Emily! Ang bait-bait mo naman. Bahay mo 'yon, 'di ba? Tapos ibang tao ang makikinabang?"

"Tina, baka may makarinig sa 'yo," saway ng dalaga. Lumingon siya sa table ni Eunice. Hindi niya ito nakita.

"Kumukulo ang dugo ko kanina nang nakita ko ang lalaking 'yon! Sinayang niya ang pitong taon -"

"Tina," may pagbabanta na ang boses ni Emily. "Mamaya na lang natin pag-usapan ang tungkol dito."

"Anong problema, Em? Bakit ka pinatawag ni Sir Marco?" nag-aalalang tanong ng kaibigan niyang si Luna pagkabalik nito galing banyo.

"Wala naman. Gusto niya lang makilala ang mga top employees ng kompanya," pagsisinungaling ng dalaga.

"Bakit hindi niya kami pinatawag?" Curious na tanong ni Tina.

Napakagat-labi ang dalaga. "Hindi ko alam..." Nangangapa siya ng isasagot. "Baka bukas ipapatawag niya kayo. May ginagawa kasi siya sa opisina niya."

Nagpaalam si Emily sa manager nila na uuwi siya ng maaga ngayong araw kasi may aayosin siya sa bahay nila. Hindi niya sinabi ang totoong dahilan lalo na't!napaka-personal ng dahilan niya. Dahil isa si Emily sa mga empleyado na nakatapos sa pinapagawang trabaho, pinayagan siya agad.

Papasok na siya ng elevator nang nakita niya ang kaniyang boss. Dali-dali niyang isinara ang elevator para hindi siya maabotan. Ngunit hindi niya nagawa kasi may sumakay na empleyado. Napapikit na lang siya nang nakitang pumasok ang boss nila.

"Good afternoon, Sir Marco," bati ng mga empleyado sa loob ng elevator.

Ngumiti lang ang binatang boss nila at tumabi ito kay Emily. Palihim na tinitingnan ni Marco ang dalaga. Nakayuko lang ito at walang balak na lingonin niya. Isa-isang nagsilabasan ang mga empleyado. Tumikhim ang binata nang napansing silang dalawa na lang ang natitira.

"Small world," he whispered.

Nanatili pa ring tahimik ang dalaga. Ayaw niyang tingnan ang binata kasi nahihiya pa rin siya. Hindi siya makapaniwalang naalala siya nito.

Humugot si Emily ng malamim na hinga bago nag-angat ng tingin. "Kung ano man ang nangyari kagabi, kalimutan na lang natin 'yon. Pareho tayong nakainom kagabi," kaswal na saad ng dalaga.

"Ano pala ang nangyari kagabi?"

Napalunok si Emily at napatitig ng ilang segundo sa binata. "W-Wala naman," nauutal niyang sagot at agad na lumabas ng elevator nang bumukas ito.