Chapter 2

Hindi na nagawang mag-ayos ni Emily sa sarili nang pumasok siya sa trabaho ilang minuto na lang ang natitira. Natatakot siyang ma-late lalo na't biglang inanunsiyo ng manager nila na kababalik lang daw ng bansa ang boss nila.

Gulat na gulat naman ang mga kaibigan niyang empleyado pagkarating niya kasi hindi ito nakapagpalit ng damit, magulo ang buhok, at namamaga ang mga mata.

"Mukhang napalaban ka yata kagabi. Anong nangyari sa 'yo at ganiyan ang itsura mo?" nag-aalalang tanong ni Luna at kumuha ng wet wipes para punasan ang mukha ng kaibigan niya.

"Kumusta ang anniversary niyo? Nag-propose na ba kaya ganiyan kamaga ang mga mata mo kasi naiiyak ka sa sobrang saya?" nakangiting tanong ni Tina at tiningnan ang kamay ni Emily. Kumunot ang noo niya nang napansing wala siyang singsing na nakita. "Hindi pa rin nag-propose? My God, Emily! Hiwalayan mo na lang kaya ang lalaking 'yan. Mukhang walang balak mag-settle down."

Napabuga ng hangin si Emily. "They betrayed me. May relasyon sina Ethan at Eunice," tamad niyang saad na siyang ikinagulat ng mga kaibigan niya.

"Ano?" sabay-sabay na tanong nina Luna at Tina sa kaniya.

"Mamaya na nga lang natin pag-usapan ang tungkol diyan. Heartbroken ako kaya ganito ang itsura ko." Tiningnan ni Emily ang mukha niya sa salamin. Napamura siya nang nakita kung gaano kamaga ang mga mata niya. Napakagat-labi siya nang naalala ang nangyari kagabi. Bumalik siya sa mga kaibigan niya at nagtanong, "May extra ba kayong damit diyan na pwede kong suotin? Baka mapagalitan ako ng manager natin kapag nakita niya ang suot ko."

"Meron ako," sagot ni Tina at mabilis na nagtungo sa table niya para kunin ang damit na ipapahiram niya kay Emily.

"Anong oras ba darating ang boss natin? Mabuti naman at nagkaroon na siya ng lakas para magpakita sa mga empleyado," saad ni Emily habang abala sa paglagay ng foundation sa mukha at leeg niya.

"Before ten daw," sagot ni Luna.

"Bihis muna ako. Baka maabotan ako ni Manager Norma na ganito ang suot ko," paalam ni Emily bago nagtungo sa banyo para magbihis.

Nakahinga ng maluwag si Emily pagkatapos niyang suotin ang corporate dress ni Tina. Tamang-tama lang ito sa katawan niya. Hindi maluwang at hindi rin masikip. Tiningnan niya ang sarili sa malaking salamin ng banyo. Kinapalan niya ang paglagay ng make up para lang hindi mahalata ang pamamaga ng mga mata niya.

Pagbalik niya sa table nila, hindi niya mapigilang makinig sa pinag-uusapan ng ibang mga empleyado. Curious silang lahat kung bakit ngayon lang naisipan ng boss nila ang magpakita. Ang lahat ay kinakabahan kasi may pagkaistrikto ito pagdating sa trabaho.

"Pangit siguro ang boss natin kaya ayaw niyang magpakita noon. Tapos baka nagparetoke siya ng mukha kaya siya magpapakita sa atin ngayon," natatawang saad ni Athena habang nakikipag-usap sa mga kaibigan niya.

"Baka mahiyain lang talaga siya. Imposibleng pangit ang boss natin, 'no. Ang gwapo kaya ni Sir Miguel. Maganda rin si Ma'am Caroline. So, gwapo ang anak nila," saad ni Carla bago niya binuksan ang kaniyang laptop.

Mabilis na nagsibalikan ang mga empleyado sa kani-kanilang mga table nang nakitang pumasok si Manager Norma. Nakabusangot ang mukha nito kaya mas lalo silang kinabahan.

"Ang aga-aga pa para pagchismisan na naman si Sir Marco!" sigaw ni Manager Norma at pinasadahan ng tingin ang paligid. "Submit all the reports before ten o'clock. Finish or unfinished. Submit it!"

Mabilis na binuksan ng mga empleyado ang kani-kanilang mga computers para i-submit ang hinihinging reports ni Manager Norma. Silang lahat ay inatasan ng iba't ibang gawain noong nakaraang linggo. Ang ibang empleyado ay problemado kasi marami pa silang hindi natatapos na mga reports.

Abala si Emily sa pag-re-review ng reports bago ito ipasa kay Manager Norma nang napansin niya ang pagdating ni Eunice. Kumuyom agad ang mga kamao niya nang nahuling nakatingin ito sa kaniya habang nakangisi. Parang mababali naman ang mga leeg nina Luna at Tina sa katititingin kay Eunice nang umupo ito sa table niya na nasa harapan ni Emily.

"At may gana ka pa talagang pumasok pagkatapos mong sirain ang relasyon namin?" sarkastikong tanong ni Emily sa kaibigan niya.

"Bakit? Bawal bang pumasok kasi nasira ko ang relasyon niyo?" nakangising saad ni Eunice. Proud na proud siya sa ginawa nilang pangloloko kay Emily.

"I*****k mo sa puke mo si Ethan!"

Tumikhim si Luna nang napansin niyang nakatingin na kina Emily at Eunice ang ibang mga empleyado. "Baka gusto niyong tumahimik muna."

Tumayo si Emily at naglakad patungong pantry. Doon niya inilabas ang lahat ng galit niya kay Eunice. Kumuha siya ng baso para magtimpla ng kape. Gusto niyang paligoan ng mainit na kape ang kaibigan niya para maibsan ang kalandian nito.

Nang kumalma na siya saka pa lang siya bumalik sa table niya. Napalingon siya sa pinto nang bumukas ito at pumasok ang ilang mga empleyado sa iba't ibang departmento. Tumingin siya sa kaniyang relos. Napamura siya nang napansing malapit ng mag-alas diyes. Dali-dali niyang sinubmit ang reports sa manager nila.

"Let's all welcome the CEO of Montevallo Enterprises!" anunsiyo ni Manager Norma pagkapasok ng boss nila.

Gulat na gulat ang lahat nang nakita ang itsura ng boss nila. Hindi sila makapaniwalang may itsura pala ito kasi ang buong akala nila ay pangit ito kaya ayaw magpakita sa kanila. Laglag ang panga ng mga babaeng empleyado. Para silang na-love at first sight nang nakita ang binata kahit blangko ang ekspresyon ng mukha nito. Hindi mapigilan ng ilang mgs empleyado ang mapatili nang biglang ngumiti ang boss nila.

Tumayo si Emily upang silipin ang mukha ng kanilang boss. Nagtataka siya kung bakit kinikilig ang lahat. Pati mga kaibigan niya ay abot tainga ang ngiti.

Nanlaki ang mga mata niya nang nakita ang lalaking naka-one-night stand niya kagabi. Kumurap-kurap siya ng ilang beses baka namamalikmata lang siya. Ngunit preskong-presko pa sa isipan niya ang nangyari sa kanila. Nanigas siya sa kinatatayoan niya at pinagmasdan ang binata habang nakikipag-usap ito sa mga empleyado. Napalunok siya nang biglang nagtama ang mga paningin nila. Ang naka-one-night niya kagabi ay walang iba kundi si Marco Montevallo - ang kaniyang boss.