Chapter Six: Clinic

"Kingdom Animalia is the largest kingdom based on a number or species representatives. It is also called metazoa..."  

Nangunot ang noo ko nang makarinig na pamilyar na nagsasalita. 

"Any question about Kingdom Animalia?" 

"None!" 

"Alright, proceed to the next lesson. Phylum is the name comes from the Greek term knide means nettle..." 

Napahawak ako sa ulo ko nang makaramdam ng pagkirot doon. Unti-unti ay inangat ko ang ulo mula sa pagkakayuko sa desk habang nakapikit at hawak hawak pa rin ang ulo. 

"It refers to the nettle or stinging nematocyst in the cnidocyte of the animals tentacles..." 

Natigilan ako. 

Dahan-dahan akong napadilat at nanlalaki ang mga matang pinagmasdan kung nasaan ako ngayon. Ang pamilyar na scenario ang nagpanganga sa akin habang namamanghang pinagmamasdan ang mga kasamang nasa loob.

"Where... Am... I?" bulong ko sa sarili habang gulat at nagtataka pa ring pinagmamasdan ang lugar at mga kasama. 

Ang pamilyar na cream and white na silid. Ang malaki at green na blackboard sa harap. Ang masungit ngunit paborito kong science teacher noong highschool ako na nasa harap ngayon at tila nagtuturo. Ang mga batang naka uniform ngayon at tahimik na nakikinig sa guro. At ako...

Anong ginagawa ko dito?! 

Mabilis kong kinapa-kapa ang katawan at tiningnan ang magkabilang braso upang tingnan kung may galos ngunit wala! Mabilis kong hinawakan ang ulo upang tingnan rin kung may dugo ngunit maging iyon ay wala! Nakanganga at tila gulat na gulat kong hinawakan ang palda kong uniform noon at ang id ko sa school. 

Leanne Lilith Sarmiento

Grade 9 - Agoho

Dahan-dahan akong napatakip sa bibig habang pinagmamasdan ang pamilyar na id ko. Unti unti ay dumapo ang paningin ko sa mga pamilyar na gamit na nasa desk ko ngayon. Nanginginig kong hinawakan ang pamilyar na pink pouch ko na pinaglalagyan ng marami at iba't-ibang kulay ng ballpen at marker ko. Maging ang notebook ko na cover pa ang sikat na K-pop girl group noon ay nanginginig ko ring hinaplos. 

O...kay? What the fuck is happening???

Sunod kong kinuha ang pamilyar na pink na salamin na lagi-lagi ko ring dala noon nung highschool palang ako. Hinaplos ko ang makintab na pink handle nito at ganoon nalang ang pagsinghap ko nang makita ang sariling repleksyon doon. 

"W-What the..." 

Nagugulat at hindi makapaniwala akong napahawak sa malambot at makinis kong pisnge na malayong malayo sa pagkakatanda ko na medyo magaspang na at hindi na ganoon kakinis dahil sa sobrang stress. Nanlalaki ang mata kong mas nilapit ang mukha sa salamin nang makita ang iilang bids sa gilid ng mata ko na nagsisilbing palamuti. Maging ang pamilyar na hairstyle ko noon na high pigtails ay namamangha kong pinagmasdan sa salamin. 

Para akong tangang nakanganga at manghang mangha na pinipindot pindot, pinipisil pisil at hinahaplos ang mukha habang nakatingin sa salamin. 

Sa pagkakatanda ko gabi na at nasa kalsada ako. Umiiyak, sumisigaw hanggang sa... hanggang sa... 

Nabitawan ko ang salamin na hawak na nabasag pa dahilan ng agaw pansin na ingay. Nakanganga at nanlalaki ang mga mata kong natulala sa kawalan habang inaalala ang huling nangyari sa akin. 

Tumilapon ako... Naaalala kong tumilapon ako tapos... 

"Yes, Miss Sarmiento? May problema ba?" 

Naguguluhan akong napatingin sa gurong nasa harapan maging sa mga estudyanteng nagtataka nang nakatingin sa akin ngayon. Lahat sila pamilyar. Ang mga bagay at lugar na 'to pamilyar. Ang ganitong scenario na nasa klase... pamilyar pero... 

"Leanne, you okay?" Napasinghap ako at mabilis na napatayo sa gulat nang hawakan ako ng babaeng katabi. 

Nangunot ang noo ko ngunit ang mga mata ay mas lalong nalito habang pinagmamasdan ang pamilyar na babaeng humawak sa akin maging sa mga sumunod na babaeng kahilera niya at nagtatakang nakatingin sa akin ngayon. 

"J-Jiwel?" hindi makapaniwalang tanong ko sa pamilyar na maputing babaeng katabi ko na siyang nagtanong. 

Nangunot ang noo niya at nabahiran ng pagtataka ang itsura.

"Uhuh?" 

Napakurap-kurap ako habang sunod na tiningnan ang limang babaeng pamilyar na sumunod sa kaniya. 

"Bakit Leanne? May problema ba?" nag-aalalang tanong ng maliit at medyo chubbyng babae, isa sa mga pamilyar na babaeng pinagmamasdan ko ngayon. 

"R-Ravah..." sambit ko sa pangalan niya. 

"Miss Sarmiento!" 

Gulat akong napabaling sa pamilyar na gurong nasa harapan ko na pala ngayon. Nakapamewang at nakataas ang kilay na nakatingin sa akin ngayon.

"Anong problema at bakit tila wala ka sa wisyo ngayon?" masungit na tanong ng maputi, maliit at medyo chubby na favorite science teacher ko sa harap ko ngayon.

"M-Ma'am Yesha?" 

Nangunot ang noo niya at tumango. "Oo, ako nga Miss Sarmiento," masungit na sagot ngunit may bahid ng pagtataka sa itsura. 

Napaatras ako at muntik nang matumba ngunit mabuti nalang ay nahawakan agad ni Ma'am Yesha ang braso ko. Kunot ang noo at nanliliit ang mga matang tinitigan ako. 

Napalunok ako. Ramdam ko rin ang pawis na tumutulo na mula sa noo hanggang sa leeg ko. Ang d****b ko ay parang nasa karera ngayon sa sobrang bilis ng pagtibok nito at maging ang ulo ko ay parang tumitibok rin sa hindi maipaliwanag na nararamdaman ngayon. Nakaawang ang bibig at mabilis na ang paghinga habang litong litong nakatitig sa kaharap.

"Miss Sarmiento, anong–" Bago ko pa marinig ang mga sunod na sinabi nito ay mabilis na umikot ang paningin ko at tuluyang nawalan ng malay. 

"Nagugutom na ako, shet." 

"Mauna na kayo sa canteen. Bilhan niyo nalang kami ni Jiwel para naman may nagbabantay dito kay Leanne."

"Eh! Tinatamad nga ako bumaba, e. Kayo nalang tapos kami nalang magbabantay–" 

"Pero akala ko ba nagugutom ka na, Rachel, ha?" 

"Oo pero tinatamad nga ako, duh." 

"Ang ingay niyo baka magising si Leanne!" 

"Ano bang nangyari sa babaitang 'yan at bakit parang wala sa sarili kanina?" 

"Baka may hangover pa!"

"Hangover, Kishen? Ni parang hindi nga nalasing 'yan atsaka light lang naman ininom natin kahapon, ah? Hindi as in beer." 

"Malay ko d'yan baka nabaliw na? Binigyan na ng saltik ng Itaas kasi sobra na daw pagka demonyita?" 

"Gaga ka, Kish! Hahahaha!" 

Kunot-noong napahawak ako sa noo nang magising dahil sa ingay na naririnig. 

"Oh, speaking of the devil. Gising na si Queen Demon." 

Dahan-dahan kong idinilat ang mga mata at unang bumungad sa akin ang malinis at puting kisame. Napapikit muli ako nang makaramdam ulit ng kirot sa ulo bago muling dumilat. Ngayon naman ay bumungad sa akin ang anim na mga babaeng nasa magkabilang gilid ko. 

"Kumusta pakiramdam mo?" tanong ni Ravah.

Hindi ako nakasagot at nanatiling nakatitig sa kaniya. 

"Ravah..." wala sa sariling sambit ko. The standing mother of the group. My sweetest and caring friend... 

"Para ka na naman nakakita ng multo." Sunod akong napatingin sa babaeng nasa kabilang gilid ko.

"Dacey..." The smartest and nerdy of the group. My longest best friend since elementary. 

Nangilid ang luha ko. 

"Ano ba nangyari sa'yo, Leanne? Masama ba ang pakiramdam mo? Dapat hindi ka nalang pumasok!" Sunod akong napatingin sa nagsalita. 

"L-Larra..." nabasag ang boses ko. Lahat sila ay nagulat sa reaksyon ko nang sunod-sunod na pumatak ang mga luha ko. 

"Gagi, seryoso na ba 'to? Ano bang problema? Family problem ba?" Si Rachel naman ang nagsalita na mas lalo kong kina-iyak.

Napatakip na ako sa mukha ko nang magsimula na akong humagulgol.

"Hoy, girl! Ano bang problema? Sabihin mo sa amin." Si Jiwel naman na nakahawak na sa magkabilang braso ko at pilit tinatanggal ang pagtakip ko sa mukha. 

"Gagi kayo pinaiyak niyo!" Boses naman ni Kishen ang narinig ko. 

Naramdaman ko ang pagyakap ni Ravah. "Hey love... anong problema? Sabihin mo sa amin. Makikinig kami..." malumanay na bulong nito sa akin. 

Umiling ako. Patuloy na umiiyak habang umiiling. Humugot ako ng hininga bago malalim na ibinuga iyon, pilit ikinakalma ang sarili. Lumunok ako habang pinapahid ang mga luha sa pisnge. Tinulungan naman ako ni Ravah magpahid gamit ang panyo niya na tinanggihan ko rin dahil mas lalo lang akong naiiyak. 

Tahimik lang nila akong pinanood na pahiran ang pisnge ko habang kinakalma ang sarili. Nang makalma na ako ay nag-angat na ako ng tingin sa kanila. Isa-isa ko silang pinagmasdan. 

Jiwel, ang pinaka-maputi at pinaka-matangkad sa aming magkakaibigan. Pang-apat sa pinakamatanda pero kung umasta ay parang mas bata pa sa akin. Siya rin ang pinaka-maganda sa amin pero iwas na iwas sa mga lalaki. 

Larra, ang pinakamatanda sa amin pero katulad lang din ni Jiwel kung umasta pero mas malala dahil hyper at napagkakamalang takas mental. Pero sobrang mabait at pinaka maaasahan sa grupo.

Dacey, ang pinaka-matalino at nerdy sa grupo. Kaibigan ko na mula elementary pero dahil nalayo kami sa isa't-isa noon ay medyo hindi na kami kasing close gaya ng dati pero gano'n parin ang turing sa isa't-isa. Madalas tahimik. 

Ravah, ang pinaka sweet and caring sa aming lahat. Pinakamaliit ngunit pinaka matured mag-isip sa'ming lahat. Ang neutral sa grupo. 

Rachel, sumunod kay Ravah na maliit. Girly at habulin ng mga lalaki dahil sa cute at maamong itsura pero siyang pinaka sadista sa grupo. Sweet din gaya ni Ravah at laging gustong nakayakap. 

Kishen, sumunod kay Rachel na maliit. Kung anong liit niya gano'n naman katayog ang pride niya. Ang japinay ng grupo. Masungit tingnan dahil sa singkit na mata ngunit siyang pinaka maingay sa grupo. Ang pinaka kasundo ko pagdating sa sayawan. 

"T-Totoo ba 'to?" wala sa sarili kong tanong habang pinagmamasdan sila. 

Hindi ako makapaniwalang matapos ng sampung taon na hindi ko sila nakikita, nandito na sila ulit ngayon sa tabi ko. Kasama ko. 

"Alam mo, Leanne. Gutom lang 'yan! Tara na kaya sa canteen?" Si Rachel ang nagsalita. 

"Teka lang, maayos na ba pakiramdam mo?" tanong ni Ravah sa akin. 

Hindi pa rin makapaniwala at bahagyang nalilito sa nangyayari ngayon ay wala ako sa sariling tumango. Sabay-sabay naman silang napabuntong-hininga na tila nawalan ng tinik. 

"Malamang maayos na agad 'yan. Masamang damo 'yan, e." Nakangisi at nagbibirong sabi ni Kishen. 

"May five minutes nalang tayo para sa break. Aabot pa ba tayo?" Si Dacey naman na nakatingin sa relo niya. Nakangiti ko siyang tinitigan. 

Sa kanilang anim siya lang ang nakapag-paalam at nagsabi ng dahilan nila sa akin noon kung bakit bigla nalang nila ako nilayuan. Hindi man kami madalas mag-usap noon at hindi ko man masyadong ramdam ang presensya niya noon, pero siya pala itong pinaka nag-aalala sa akin noon. 

"Aabot pa 'yan! Tara na gutom na ako!" sambit ni Rachel.

Ngayon ko lang nalaman na nasa clinic pala ako nang makita ang pamilyar na poging teacher na siyang madalas naka-assign sa clinic. 

"Maayos na ba ang pakiramdam mo, Leanne?" malumanay ang tanong nito nang makitang lumabas na ako sa maliit na silid sa clinic kasama ang mga kaibigan. 

Nangunot ang noo ko nang bahagyang sundutin ni Ravah ang tagiliran ko habang ang iba ay may kakaibang ngisi sa akin, nanunukso. 

"Maayos na 'yan, Sir Leandro! Inalagaan mo, eh!" natatawang sambit ni Rachel. 

Huh? 

"Mabuti naman." Ngumiti si Sir Leandro sa akin na impit na ikinatili ng mga kaibigan ko. Mas lalo akong nagtaka.

Bakit? Anong meron?

"Sige, sir. Alis na po kami at baka mahimatay ulit 'tong babaitang 'to," natatawang sabi naman ni Larra sa tabi ko. 

"Huh? At bakit naman ako mahihimatay ulit?" kunot-noong tanong sa kaniya.

"Sus! Kunwari!" Mas lalo lang nangunot ang noo ko dahil hindi ko sila maintindihan. Habang si sir Leandro naman ay nakikisabay pa sa pagtawa habang nakatingin sa akin. 

"Tara na nga at baka hindi na tayo makaabot! Bye, Sir!" 

Mabilis akong nagpatianod sa hila ng mga kaibigan palabas. Nagtataka pa rin ako at bakit parang inaasar nila ako sa poging teacher na 'yon. 

"Anong bibilhin niyo?" Rinig kong tanong ni Ravah habang naglalakad na palayo sa clinic. 

Nagtataka pa rin ako kaya naman napatigil ako at muling nilingon ang clinic. Gano'n nalang ang gulat ko nang makita ang poging teacher na nasa labas ng clinic, nakapamulsa at nakatanaw sa amin. 

Bahagya rin siyang nagulat sa paglingon ko ngunit kalaunan ay napangiti at kumaway.

"Luh kalandian nito! Hoy tara na!" 

Napatingin ako muli sa mga kaibigan ko na nasa malayo na at nakalingon sa akin, tumatawang tinatawag ako. 

"Parang gusto ko na rin magka-crush sa teacher," nanunuksong sambit ni Kishen nang makalapit na ako sa kanila.

"Oo nga. Parang nakaka-inspire!" dagdag ni Rachel.

Uminit ang pisnge ko nang mapagtanto. 

What the fuck ka Leanne!