Chapter 116: Drunk

"Keirah," tawag ni Alexander mula sa likuran ng dalaga. Ngunit mukhan wala itong planong pansinin siya. O baka dala na rin siguro ng kalasingan kaya hindi siya nito naririnig.

"Keirah, enough!" saway niya pa sa nagwawalang dalaga sa dance floor. Ang ibig sabihin niya ng nagwawala ay sumasayaw ito ng kung ano-ano sa dance floor.

Ewan, mukhang mga galawan ni Barbie ang sinasayaw nito. Siya na lang ang nahihiya dahil pinanonood na sila ng mga tao.

"Hey Alexander, ikaw pala yan hihi," humagikgik ang dalaga sabay lumapit sa kanya.

Nagulat at namilog ang mga mata ni Alexander nang biglang ipulupot ng dalaga ang mga braso nito sa leeg niya. Para siyang nahipnotismo sa tamis ng mga ngiti nito sa kanya. Namumula ang mga pisngi ng dalaga at namumungay ang mga mata. Halatang marami ng nainom.

Alam niya kung bakit nagkakaganito ang dalaga. Malamang ay nasasaktan ito sa pinagdadaanan nito at ng kuya niya.

“Dance with me, Alexander,” gusto niyang maakit sa paos na boses ni Keirah. Pe