Kabanata 27

KABANATA 27

ㅤㅤㅤㅤTWO weeks left. Dalawang linggo na lamang at itutuloy na ang kidney transplant. Magpahanggang ngayon, hindi pa rin alam ni Lorraine ang gagawin. She did think of asking for Jared’s help but against the Saavedras and his very own brother, what could he do?

Ayaw din ni Lorraine na kainin ng konsensya kung may masamang mangyari kay Jared at madamay ito sa gulo.

“Mama... ano pong iniisip mo?” tanong ni Laurence na siyang humigit sa kanya pabalik sa realidad.

Nasa kwarto silang dalawa ng anak ngayon. Kanina pa ito nag-aaya na lumabas pero dahil hindi maganda ang pakiramdam ni Lorraine ay nananatili pa rin sila sa loob ng kwarto.

Hindi siya mapalagay dahil panay bisita sa isipan nya na hindi na talaga siya makakaiwas sa pagiging kidney donor ni Rika. Dalawa lang din ang magagawa nya ngayon: magdasal na makaligtas at mabuhay pa rin pagkatapos ng transplant o hindi naman kaya ay tumakas.

Pero paano siya tatakas? Punung-puno ng seguridad ang pamamahay ng mga Elizalde, and with