Kabanata 24

KABANATA 24

ㅤㅤㅤㅤPARANG binuhusan ng malamig na tubig si Lorraine noong malamang pumunta sa pamamahay ng mga Elizalde ang mga Saavedra.

Gustung-gusto nya noon na magtago kasama ang anak pero hindi nya magawa lalo na’t dinala na ng isa sa mga kasambahay ang mag-asawang Saavedra sa kwarto nila ni Laurence.

Hindi rin siya makatagal sa intensidad ng pagkakatitig ng mga ito sa kanya. Parang binubutasan ang noo nya at ng anak nyang nakatago lamang sa likuran nya dahil alam nito na hindi dapat binabangga ang mga kaharap nila ngayon.

“Anong ginagawa mo rito?” Ito ang paunang tanong sa kanya ni Joana Saavedra. “‘Di ba dapat nasa ospital ka’t dinu-donate ‘yang kidney mo sa anak ko?”

Hindi sumagot si Lorraine.

Iniisip nya kung hindi ba nagpaliwanag si Justin sa mga ito bago siya dalhin sa manor ng mga Elizalde. Kung hindi ba nito sinabi ang dahilan kung bakit ayaw pumayag ng doktor na isagawa ang kidney surgery— dahil wala siya sa maayos na kalagayan.

“Nakuha mo pang magtago rito kasama iyang sam