Kabanata 20| THE TRUTH

Luna’s POV

Maraming mga mayayamang tao ang inimbitahan ng kompaniya kaya crowded ang loob ng venue. Iilan lamang ang aking kilala ngunit hindi man lang nila ako naalala. Sabagay si Alyssa lang naman ang palaging center of attraction noon, hindi ako. Minsan ay hindi pa ako kasama sa mga gathering ng pamilya o kaya party nila.

Blangko kong tinitigan ang masayang pamilya na nasa harapan ko. I saw Dad sitting on a wheelchair at may umaalalay na nars sa kan’ya, bigla akong nakaramdam ng awa at kirot sa aking puso nang makitang walang pakialam ang aking madrasta sa kan’ya, patuloy lamang ang pakikipag-usap nito sa kan’yang ka-amiga. Lumapit sa kanila sina Alyssa at Daniel na nakangiti, animo’y perfect couple kung titigan ngunit alam ko kung ano ang tunay na nangyayari sa kanilang dalawa. Napangisi ako nang may sumaging plano sa aking isipan.

Mabilis akong lumapit sa kanila na may ngiti sa aking labi.

“Hello, Dad!”

Kaagad naman silang nagsilingunan nang marinig nila ang aking boses.