Kabanata 896

Hindi nagtagal, sinuyod ang buong Irwin Pharmaceuticals.

Sinabihan ang lahat ng pabrika ng gamot sa ilalim nila na huminto sa pagpapatakbo. Sinara ang mga botika at hininto ang pagpapadala sa ibang bansa.

Kahit ang ilang ospital sa ilalim nila ay hindi pwedeng magpapasok ng pasyente.

Sa loob ng ilang araw, para bang bumagsak ang negosyo, kung kaya't nag-alala ang lahat sa pamilya.

Hindi naniwala si Martin nang una niya itong narinig.

Sa pagkakaalala niya, mapagbigay at marangal si Rowan. Hindi niya lang dinala ang Irwin Pharmaceuticals sa mas mataas na tagumpay, pinanatili rin nila ang presyo ng lahat ng gamot nila nang 20 taon habang lahat ng pharmaceutical companies ay nagtataasan ng presyo.

Ang isang tao ay pwedeng maging mapagbigay ng isa o dalawang beses sa isa o dalawang buwan.

Sinong gagawa ng bagay na makakadehado sa kanila nang 20 taon?

Kumunot ang noo ni Martin. Inisip niyang may ibang nangyayari rito. Mayroon sigurong hindi pagkakaunawaan sa pagitan ng lahat.