Kabanata 798

Napatalon ang puso ni Aurelia at nanigas ang likod niya. Ilang beses na niyang gustong lumingon, pero para bang may pumipigil sa kanya sa pwesto niya at wala siyang nagawa kundi pakinggang lumapit ang mga mabibigat na yabag nang dahan-dahan.

Para bang nabalot ng mabigat na ere ang maliit na patahian.

Marami nang nakitang ibat-ibang klase ng tao ang may-ari. Sa sandaling nakita niya si Neil suot ang kanyang oversized sunglasses, alam na niyang hindi siya dapat galitin, kaya mabilis siyang lumapit at nakangiting nagtanong, “Sir, nandito ka ba para magtingin ng damit?”

Medyo pinagsisihan niya ito sa sandaling nagsalita siya.

Napakaelegante ng pananamit ng lalaki. Malinaw na nagmula siya sa isang mayamang pamilya. May mga taong kusang pumupunta sa pintuan niya para lang sukatan siya at gawan siya ng damit kaya paanong mangyayaring bumisita siya sa tindahan niya para mamili?

Dagdag pa rito, para bang si Aurelia ang habol ng lalaking ito simula nang humakbang siya sa loob… kahit na n