Kabanata 518

Ngumiti si Cordelia. "Ms. Carmichael, pwede mo akong tawaging Ms. Jenner. Ako ang partner ni Zephyr sa gabing ito."

Suminghal si Michelle at inirap ang kanyang mga mata.

Partner? Paano niya nagawang sabihin ang bagay na ‘yun!?

“Excuse me, Ms. Jenner.” Mapagmataas siya sa harap ni Cordelia. "May partner na si Mr. Zephyr. Ako!"

Parang may kung anong pumiga sa puso ni Cordelia habang kumakalat ang kirot sa kanyang mga paa’t kamay.

Zephyr, oh Zephyr! Tila ang ilang dosenang mga unsent message kanina ay malamang na para sabihin sa kanya na ang hindi malilimutang pag-ibig ni Zephyr ay naroon din ngayong gabi.

Huminga ng malalim si Cordelia at naramdaman niya ang pagpintig ng kanyang mga sintido.

Noong nakuha niya ang impormasyon ni Michelle, marami siyang naisip na eksena ng kanilang pagkikita. Pinaghandaan pa niya kung ano ang dapat niyang sabihin, kung anong ekspresyon at kung anong dapat niyang gawin.

Gayunpaman, noong nagkita sila ngayon, malayong-malayo ito sa mga naisip niya.