CHAPTER 25

PAGKADATING ni Aurora mula sa binilhan niya ng pagkain para sa almusal nila ni Franco ay siyang paglabas rin ni Franco sa kwarto niya na nakabihis na para pumunta sa trabaho. Marami pa siyang aasikasuhin sa opisina at halos puni ang scheduled recently. Kaya magiging busy siya sa ngayon at sa mga darating pang mga araw.

Inilapag ni Aurora ang mga binili niyang ulam. Bumili siya ng pancit at mainit na pandesal. Bumili rin siya ng molo in case na gusto ni Franco humigop ng mainit na sabaw. Napatingin naman si Aurora sa direksyon ni Franco ng papalapit na ito sa kanya.

“Halika na Mr. Franco, kumain na po kayo bago ka umalis sa trabaho.” paanyaya ni Aurora sa kanya.

Nang makita ni Franco ang mga nilapag na pagkain ni Aurora ay umiling lang ng ulo si Franco at sumagot, “ huwag na siguro sa opisina na lang ako kakain.”

Sa isip ni Franco ang hirap talaga ng sitwasyon niya di naman sa ayaw niya sa pagkain pero di siya sanay sa mga ganoong klase ng pagkain, di niya sigurado kung malinis ba