CHAPTER 32

Si Franco ay halos, tulad ng kanyang lolo pagdating sa personalidad, isang seryoso at malamig na tao, at nang mahulog ang loob ni Gloria sa kanyang asawa noong kabataan niya, siya rin ay naghabol sa kanyang asawa sa loob ng ilang taon, na halos naubos na ang mga pamamaraan o ideya na ginagawa at ginagamit niya sa paghabol sa lolo ni Franco bago nakuha ang atensyon nito.

Napansin naman ni Aurora ang pagseryoso ng mukha ni Lola Gloria.

Lola Gloria : "..."

"Lola, huwag ka pong mag-alala tungkol sa amin ni FRanco, hayaan mo na lang po kami sa mga diskarte namin, isa pa po naisip ko na huwag masyadong madaliin ang mga bagay-bagay sa aming dalawa pero makakaasa po kayo na kahit papaano ay sinusubukan po naming magkasundo sa mga bagay-bagay."

Sa narinig ni Lola Gloria sa mga sinabi ni Aurora ay kahit papaano ay umaliwalas ang kanyang mukha.

Alam niya naman sa sarili na masyado siyang aggresibo sa bagay na hinihingi niya na gawin ni Aurora at ganun rin siya sa kay Franco. Pero kilala ni Lola