CHAPTER 21

Hindi naman ganun kalaki ang kinikita ni Aurora pero alam niyang sapat naman ito sa mga pangangailangan niya at sa kanila ni Franco. Isa pa padating sa financial ay nagpapasalamat siyang katuwang niya si Franco sa bagay na iyon. Kaya kahit papaano’y gusto ni Aurora na magbigay ng tulong sa Ate niya at sa pamangkin niya.

"Kumusta naman ang kain ni Boyet, Ate?"

Tanong ni Aurora habang hinawakan ang noo ni Boyet gamit ang kanyang kamay, at kahit papaano ay normal na ang temperatura ng katawan nito.

"Pagkatapos uminom ng gatas ,ay kumain iyan ng arroz caldo, nagluto nga kasi ako kanina, at marami siyang nakain…ayos na rin ang kalagayan niya, salamat din sa tulong mo.”

"Walang anuman iyon Ate, masaya ako at maayos na si Boyet kaya talagang walang rason na hindi kayo mapunta sa bahay sa darating na sabado.”

“Oo na, syempre hindi ko palalagpasin na makilala ang aking bayaw ano, aba di ko pa siya nakikita kahit na kailan kasi nga pabigla-bigla ka.”

Napangiti si Aurora sa sagot ng Ate niya, “A