Chapter 48

Narito na kami sa heaven sky na sinasabi ni Jeho. Pero hindi naman heaven sky ang nakasulat sa may boundary.

Inirapan ko si Jeho nang mabasa ko iyon. "Heaven sky ba iyan?" turo ko. Sabay tawa nito.

"Siya rin 'yon sweetheart kasi mas tahimik ang lugar na ito kaya wala ng makakahanap pa sayo," sabay akbay nito sa akin.

"Baliw ka talaga!" singhal ko.

Nauna na kong naglakad patungo sa papataas na daanan na napakabato. Hindi na ipinasok ni Jeho ang sasakyan niya rito papasok sa heaven sky. Ay ewan ko ba kung heaven sky ba ang lugar na ito. Alam kong pinaglololoko lang ako ng Jeho na iyon eh. Alam kong tawang-tawa na 'yon sa akin.

Nang marating ko na ang isang resthouse. Nagpahinga muna ako sa upuan dahil napagod akong naglakad kahit malapit lang ito. Napanguso na lang ako nang makita kong ngiting-ngiti si Jeho nang malapit na ito sa kinaroroonan ko.

"Are you tired sweetheart?" malambing niyang tanong.

Inirapan ko siya. "Alam mo naman pala eh. Tinatanong mo pa," naiinis na sabi ko.