Chapter 54

Pagkagising ko, madilim na ang loob ng kuwarto pagkamulat ko ng aking mga mata. Bumangon ako para i-on ang ilaw. Alas siyete na pala ng gabi nang magawi ang aking paningin sa wall clock. Nakaramdam tuloy ako ng pagkagutom dahil nalipasan na naman ako ng panghapunan kanina. Naupo na lang ako sa aking kama dahil nakakaramdam na naman ako ng pagkahilo. Sobrang lakas kasi ng pagkakauntog ko sa sahig kanina. Parang naalog ata ang buong ulo ko kaya ganito na lang ito kasakit.

Napalingon na lang ako sa gawing pinto ng bumukas iyon. Si inay ang pumasok dito sa loob at may dala-dala itong tray na may lamang pagkain.

"Iha kumain ka na muna," nakangiting ani niya nang ilapag niya ito sa may side table. "Kumusta na ang pakiramdam mo iha? Okay ka na ba?" nag-aalalang tanong nito. Tinabihan niya ko sa pagkakaupo ko dito sa kama.

"Ayos na po ako inay kaso po nahihilo lang po ako," sagot ko rito.

"Kumain ka na iha para makainom ka na din ng gamot mo," ani niya. "Lalabas na muna ako habang kumakain k