Chapter 8

NAKAPANGALUMBABA si Clara sa may canteen. Lunch time pero wala siyang ganang kumain. Hindi mawala sa isip niya ang paghalik ni Sir Anthony sa kanyang noo.

"Laki ng problema natin, ah." Pukaw ni Jayson kay Clara. Inilapag niya ang tray na dala sa tabi nito. "Wala kang balak kumain?"

Hindi sumagot si Clara na ikinabahala ng mga kaibigan.

"Ano problema mo? Nasermunan ka na naman ba?" usisa ni Sarah. Nagtataka siya dahil kakaiba ang awra ng kaibigan nila ngayon. Sanay na naman masermunan ito pero parang ang lala ng sermon ngayon araw.

Narinig nila ang paghugot ni Clara ng malalim na hininga na mas ikinapagtaka nila.

Hinintay lang nila na magsabi si Clara habang nagsimula na silang kumain. Hindi naman sa wala silang pakialam kay Clara kung ayaw kumain, gutom din sila.

Umayos ng upo si Clara at sinulyapan ng tingin ang tatlong kaibigan na busy sa pagkain.

"Kaibigan ko ba talaga kayo? Kita n'yo na nga na malungkot ako tapos kayo ang sarap ng kain d'yan," parang bata niyang reklamo.

"Clar