Chapter 31

Erika's Pov

"Bitiwan mo ako ngayon din!" mariin ang boses na wika ko kay Charles nang imulat ko ang aking mga mata. Nagkakawag ako para bitiwan niya ako.

"Stop struggling, Mom. Baka mahulog kayo ni Daddy sa hagdan." Narinig ko ang boses ni Rose. Nag-alala ako na baka nga malaglag kami sa hagdan kaya huminto ako sa pagkawag. Hinintay ko muna na makalagpas sa hagdan si Charles bago ako muling magsalita.

"Wala na tayo sa hagdan kaya ibaba mo na ako, Charles," muling utos ko sa kanya. Ngunit hindi ako pinansin ni Charles. "Hindi mo ba ako narinig? Ang sabi ko ay ibaba mo na ako."

"I'm going to my room, Dad. Mom. Good night to both of you," paalam ni Rose bago naglakad papunta sa silid nito.

"Wala ka ba talagang balak na ibaba ako?" naiinis na tanong ko kay Charles nang wala na ang anak namin.

"Ibababa kita sa silid mo," mabilis nitong sagot. "And don't worry dahil wala akong gagawin sa'yo. Pagkatapos kitang maipasok sa silid mo ay aalis na rin ako," agad nitong dugtong nang mabasa ang pa