Chapter 27

Erika's Pov

Maaga pa lamang ay nasa bahay na namin si Raven. Natitiyak ko na gusto lamang nitong makiusyoso kung ano ang nangyari sa amin kagabi ni Charles. Ngunit hindi agad siya nakapag-usisa sa akin dahil nalibang siya sa pakikipag-usap kay Rose.

"Have you met my Dad, Aunt Raven? My Dad is very handsome." May pagmamalaki ang boses na sabi ni Rose sa kaibigan ko. Ngunit hindi iyon tinugon ni Raven kaya napasimangot ang anak ko.

"Of course! Your Dad is very handsome," sang-ayon ni Raven nang makita na biglang nagbago ang mood ni Rose. Natawa na lamang ako at bahagyang nailing sa pag-uusap ng dalawa.

Pagkatapos makipagharutan ni Raven sa anak ko ay saka pa lamang nagkaroon ito ng pagkakataon na makausap ako.

"Tapos na ba ang kuwentuhan ninyong dalawa? Bakit parang napagod ka yata? Hindi naman kayo tumakbo," natatawang puna ko nang maupo si Raven sa aking tabi na parang hapong-hapo.

"Nakakapagod na nga ang makipag-usap sa anak mo ang tumakbo pa kaya? Saan mo ba ipinaglihi ang anak mo a