Chapter I

Nakatanaw sa kawalan si Magnus sa opisina niyang gawa ang dingding sa salamin. Siya ang nagpasadya ng disenyo na iyon. Mula doon ay tanaw halos ang buong syudad. Nakakaramdam na naman siya ng kakaibang inip sa kanyang buhay.

Kung tutuusin ay wala naman siyang dapat problemahin, maayos ang kanilang family business at kompanya. Maari siyang umalis at magbakasyon kahit saan ngunit hindi niya alam kung ano ang hinahanap niyang kulang o anong saya ang wala sa buhay niya.

Si MAGNUS CONDE DELAVID ay ipinanganak na may gintong kutsara sa bibig. Ang mga Delavid ang nagmamay-ari ng iba't-ibang real state company, engineering company, at kalat-kalat na hotel sa syudad. May mga tourist spot din sa Pilipinas ang nabili na rin ng mga Delavid.

Si Magnus ang nag-iisang anak ng mag-asawang Don Carlos Jose Delavid at Doña Estella Delavid kung kaya't wala siyang magawa kundi pagtutunan ang pamamalakad ng mga pagmamay-ari nila.

"Wife...yan ang kulang sa 'yo," panunudyo ni Veruz. Matalik na kaibigan ni Magnus na nasa kabilang linya.

"Do I ask your opinion? Ang kailangan ko lang ay kainuman," sagot ni Magnus. Nagsalin siya ng kaunting whisky sa kanyang baso at itinaas ang paa sa mesa.

"Okay...I will call Waltz and Calix. See you in my bar at 8pm."

"Anong bago don?" sarkastikong tanong ni Magnus. May kapilyuhan na naman ang nabubuo sa kanyang isipan.

"Sabi ko na nga ba Conde..." tila alam na niya ang tinutukoy ng kaibigan. "I have a special guest reservation at ang sabi ng staff ko model daw sa isang kilalang magazine ang nagpareserve non. And take note not just a magazine...men's magazine," pangungunsinti ni Veruz.

"Make sure na mawawala ang inip ko," pilyong sabi ni Magnus habang nilalaro ang yelo sa kanyang baso.

Walang babae ang nakakaligtas sa karisma ni Magnus, para sa kanya ang pakikipagrelasyon ay hindi sineseryosong bagay. Marahil wala pa sa isip niya ang magseryoso. Napakaraming babae ang nababaliw sa kanya lalo na ang mga babaeng naikakama niya.

Maaga niyang nilisan ang kanyang opisina, gaya ng dati ipapatrabaho na naman niya sa kanyang kawawang sekretarya ang napakaraming papeles na dapat ang iba ay siya ang gumagawa. Hindi naman ito makareklamo dahil lihim na sinasahuran niya ito ng malaking halaga.

Kusang bumukas ang gate ng kanyang bahay na tila alam na darating ang nagmamay-ari nito. Isa lamang ito sa malalaking bahay na pagmamay-ari niya. Mayroon siyang tatlong mala-mansyon na bahay ngunit ang inuuwian niya ay ang kanyang pinakapaborito.

"Dito ka ba kakain iho?" tanong ni Manang Norma, ang kanyang kasambahay.

Parang magulang na ang turing ni Magnus kay Manang Norma at sa asawa nitong si Mang Kanor na kanya ring personal driver. Halos nasubaybayan na ng mga ito ang kanyang paglaki.

"Hindi po ako dito magdidinner manang," sagot ni Magnus habang paakyat sa kwarto niya.

Mabilis niyang hinubad ang kayang coat, relo at pang-ibabang kasuotan. Humiga siya saglit upang ipahinga ang katawan dahil maya-maya ay maghahanda na siya sa pagpunta sa bar ng kaibigan niyang si Veruz. Si Veruz, Waltz, at Calix ay mga kababata niya.

Ang mga pamilya nila ang magkakasosyo sa negosyo at kompanya. Sa edad nilang thirty two ay nahahanay na sila sa mga matatagumpay na businessman at young billionaires sa industriya ng bansa. Minsan na rin silang naifeature sa isang kilalang magazine at naiinterview sa mga business TV show.

Agad na dinelete ni Magnus ang sunod sunod na chat sa kanyang messenger. Chat na naman iyon ng isang nakilala niya sa party. Tulad ng dati para sa kanya ay hindi niya pinilit ang mga ito na sumama sa kanya. All he wants is pleasure, nothing more.

Minsan ay isang babae ang nagbitiw ng salita sa kanya, sana raw ay huwag dumating ang araw na babaligtad ang mundo at siya naman ang maghahabol. Tinawanan lamang iyon ng binata. He is Magnus Conde Delavid, no one can resist him.

Mabilis na nakarating si Magnus sa bar ng kaibigan. Siya na lamang ang wala at hinihintay para magsimula ang inuman nilang magkakaibigan. Pagpasok niya ay matalim na tingin ang ipinukol sa kanya ng tatlo niyang kaibigan.

"At anong meron Conde?" si Calix iyon. Conde ang nakasanayan nilang itawag kay Magnus.

"Friday night naman ngayon kaya naisip ko kayong yayain, at hindi ako nagkamali mga tigang na rin kayo sa alak," sagot ni Magnus.

"Ang mahalaga ay hindi tigang sa— haha," malokong sabi ni Veruz.

"Pumayag lang kami dahil sabi ni Veruz ay sagot mo," sabad ni Waltz habang binubuksan ang isang mamahaling alak.

"Grabe Waltz...ang buraot mo pa rin. Magbago ka na," sabay hagis ni Magnus sa atm card niya.

"Buti na lang at pinaalala mo Waltz. Mamaya makakalimot na naman si Conde," kantyaw ni Veruz.

"Dapat ipunin mo na lang ang utang ni Conde, hanggang sa makuha mo sa kanya ang inaasam mong si baby blue," sabi ni Calix na ang tinutukoy niya ay ang Porsche sports car ni Magnus.

"Don't you dare!" babala ni Magnus sa kaibigan. Talagang mas maingat pa si Magnus sa mga koleksyon niyang luxary car kaysa mga babae.

Dati ay lingguhan kung lumabas ang magkakaibigan ngunit di naglaon ang linggo ay naging madalang. Kahit iisang business group ang kanilang pamilya ay iba-iba ang kanilang pinatatakbo.

"Then the main course finally arrived," may kapilyuhan ang pagkakasabing iyon ni Veruz. Tanaw na nila ang sinasabi niya sa kaibigan na model na nagpareserve ngayong gabi sa kanyang bar.

"If I'm not mistaken she is Athena Sandoval, sikat na model sa isang men's magazine." singit ni Calix na sumilay rin mula sa salamin.

Tinted ang mamahaling salamin na iyon. Mula sa loob ay makikita ang mga tao sa labas ngunit ang mga nasa labas ay hindi sila nakikita. Sadya ang kwarto na iyon ng bar para sa mga espesyal na bisita at kaibigan ni Veruz. Naroon din ang iba't-ibang mamahaling alak na koleksyon niya.

Malayang nakamasid si Magnus at ang mga kaibigan niya sa modelo at mga kasama nito ngunit biglang nabaling ang tingin ni Magnus sa isang babae na kasama ng modelo.

Matagal niyang tinititigan at minumukhaan ang babae. Pinaningkitan siya ng mga mata habang pilit niyang hinuhuklat sa isip niya kung sino ang kamukha ng babae sa ibaba. Parang nakita na niya ang babae na iyon kung saan.

Kinuha ni Magnus ang baso niya at ininom ang laman nito. "Where did I saw her?" tanong niya sa kanyang isip.

"Hey, the man is thinking now kung paano na naman makukuha ang hot model na 'yon," pambubuska ni Veruz.

"No need to think, kilala mo ko. Kusa na 'yang bibigay," mayabang na saad ni Magnus.

"Mukha namang hindi lang din ikaw ang mag-eenjoy dahil ang gaganda at sexy din ng mga kasama n'ya," singit ni Waltz habang nakatingin pa rin sa ibaba.

"Conde mag-iingat ka at baka mapasok ka bigla sa showbiz," pang-aasar ni Calix sa kanya. Alam kase nito ang punterya ni Magnus.

Nag-isip sandali si Magnus, may kung anong pakiramdam si Magnus at hindi siya sa model nagkaroon ng interes kundi sa babaeng kasama nito. Maya-maya pa ay nag-aya na ang mga kaibigan niya upang bumaba at makipagkilala sa mga bisitang kanina pa nila pinag-uusapan.

"Hi girls, can we join? Kung walang magagalit?" pasok ni Waltz na pagbati sa apat na babaeng naputol ang tawanan.

"Oh yes, we are all single!" sagot ng isang babae na parang may tama na ng alak.

"Hi I'm Magnus," pakilala niya sa sarili. Sabay kamay sa apat na babae. Gusto ni Magnus magfocus sa model na kanina pa pinanggigilan ng mga kasama niya ngunit talagang hindi niya maiwasan ang magtapon ng tingin sa babaeng nakapukaw ng kanyang pansin.

"I'm Waltz."

"Calix,"

"Veruz, the owner of the bar," pagyayabang nito.

"I'm Athena Sandoval, this is my friend Anika, Celine, and Serenity." pakilala ng napakasexy na modelo.

Tumatak sa isip agad ni Magnus ang pangalan ng babae na kanina nya pa tinitignan. Serenity pala ang pangalan ngunit wala rin siyang maalalang nakilala sa ganoong pangalan.

"Have a sit," pagpapaunlak ni Athena. Doon ay para silang pinagtambal-tambal. Si Athena ay umupo katabi ni Magnus, si Waltz ay kay Celine, Si Calix ay kay Anika at si Serenity ay nakatabi kay Veruz.

Kitang-kita agad ang interes ni Athena kay Magnus dahil kusa na itong nagkwekwento sa binata. Sino nga ba naman ang magpapakipot pa sa isang Magnus Conde.

Kanya-kanya ng kwentuhan ang bawat pares ngunit si Magnus ay tila nagnanakaw pa rin ng sulyap kay Serenity.

"So where is your place?" tanong ni Athena sa matikas na binata. Hudyat na talagang bigay na bigay siya sa kasama.

Inilapit ng todo ni Magnus ang kanyang labi sa tenga ng kausap na nagdulot ng kuryente sa babaeng kaharap. Kitang kita ang tila pagkakiliti ni Athena sa mga hininga ni Magnus.

"Just ride with me and I'll take you from what you want," malanding tugon ni Magnus kay Athena.

Ilang oras pa ang lumipas at talagang tumagal ang kwentuhan ng magkakasama. Napaparami rin ang inom nila ng alak. Nagiging madikit din lalo si Athena sa kausap na si Magnus. Halos hagurin ni Athena ang kabuuan ng binata.

"Please, excuse me for a while," paalam ni Serenity.

"Samahan kita?" alok ni Veruz.

"No need...babalik din ako agad."

Lumabas si Serenity dahil kailangan niyang tawagan ang kanyang Nanay na alam niyang naghihintay sa kanya. Pumunta siya sa isang sulok ngunit inuna muna niyang dukutin ang sigarilyo sa special case niya. Hindi naman talaga iyon bisyo ni Serenity ngunit ginagawa niya iyon sa mga panahong dinadalaw siya ng stress.

Si Serenity ang nag-aalaga sa kanyang Nanay Nelia. Kabahay niya si Serena ang nakababatang kapatid niya na second year na sa kolehiyo. Ilang taon na lamang at mapagtatapos na niya ang kanyang kapatid. Ito ang dahilan kung bakit todo ang pagkayod niya.

Nakapagtapos naman siya ng kolehiyo ngunit sadyang hirap siya maghanap ng trabaho kung kaya't rumaraket siya sa kung anu-anong paraan. Katulad ngayon, kinuha siyang personal assistant ng model niyang kaibigan na si Athena.

Ganoon na lamang gusto suklian ni Serenity ang kabaitan ng pamilyang kumupkop sa kanya. Si Serenity ay galing sa isang ampunan. May mga parte ng ala-ala niya ang hindi na niya maalala o mas magandang sabihin na pilit na rin niyang ayaw alalahanin pa.

"Lighter?" alok ng lalaki mula sa kanyang likuran. Kinapa-kapa niya ang kanyang bulasa. Wala nga siyang pansindi.

"Thank you," sabay tapon niya ng ngiti.

"Bakit ka pa lumabas? Pwede ka naman manigarilyo sa loob," pag-uusisa ni Magnus.

Wala siyang balak sundan si Serenity ang balak lamang niya ay sagutin ang importanteng tawag ngunit natanaw niya ang dalaga sa di kalayuan.

"Medyo naiingayan na rin kase 'ko," sagot ni Serenity.

Pagbuga lang ng usok ang naisagot ni Magnus sa kausap. Ayaw na niyang kalkalin pa sa isip niya kung saan niya nakita si Serenity. Siguro ay kahawig lamang ito ng mga nakalandian o naka-one night stand niya.