80.

[Apol]

“Ma’am, pinapasabi ho ni Sir Axel na ubusin niyo daw ho lahat nang ‘yan!” Bilin ng pahinante na naghatid ng truck bago umalis.

“Si Lolo talaga! Paano naman natin mabuubos ‘to?” Napapailing nalang na wika niya habang nakatingin sa isang truck na herbal tea. Pinadala ito ni lolo Axel para sa kanilang mag asawa.

Nang bumaling siya kay Xerxes ay natigilan siya. Nakakunot lang ang noo nito, halatang mayro’n itong malalim na iniisip. Tatlong araw na niyang napapansin na may kakaiba sa ikinikilos nito. Hindi kaya dahil sa business nito? Kung may maitutulong lang sana siya. Di bale, kapag nakapagtapos siya ng pag aaral ay makakatulong na siya rito. Iyon kasi ang napagpasyahan niya, na mag aaral siya pagbalik nila sa isla. Pumayag naman ang asawa niya na magpatuloy siya sa pag aaral pagkatapos ng kanilang kasal. Nagdesisyon sila pareho na mag-homeschool nalang siya. Para iyon sa ikakapanatag ng loob nilang dalawa.

“Hubby, may problema ba?” Tanong niya rito habang sakay sila ng kotse. Pu