85.

[Apol]

Nagugulumihan na sinundan ito nang tingin ni Apol. Ano kaya ang problema ni Butler Cholo? Nitong nakaraan ay napansin niya na madalas itong seryoso at madalas na parang seryoso. May problema nga siguro ito.

“Ano ang ginagawa niyo ni Cholo dito nang dis oras nang madaling araw?!”

Muntik na siyang mapatalon sa gulat nang biglang sumulpot si Charlotte. “Pwede ba? Huwag ka naman manggulat.” Nakakatakot naman ang babaeng ‘to, bigla nalang sumusulpot.

“Nagulat ka kasi may ginagawa kang kababalaghan kasama si Cholo?” Humalukipkip ito habang nakatingin sa kanya nang masama. “Apol, asawa mo na ang kuya Xerxes ko. Tanggap ko na ang isang basurang gaya mo ang napangasawa niya. Pero ang landiin mo si Cholo— Oh my god!” Napasinghap ito nang itapon niya sa mukha nito ang natitirang gatas na laman ng baso niya. “What do you think are you doing?!”

“Opps, sorry ha. Dumulas kasi ang kamay ko.” Ayos lang sa kanya na tawagin siya nitong basura. Pero ang pagbintangan siyang nakikipaglandian sa iba