88.

[Apol]

“Hubby, sige na please… payagan mo na kami. Promise, hindi kami magtatagal nila Cherry. May bibilhin lang kami.” Pamimilit niya kay Xerxes. Pupuntahan kasi nila ang binibilhan ng mask at bulaklak ni Butler Cholo. Baka doon ay may malaman pa silang tatlo. Tatlong araw na ang nakakalipas pero wala na silang nalaman pa tungkol sa lalaki.

“My answer is NO.” Mariing tanggi nito. “Mas ligtas ka sa dito sa mansion… sa tabi ko.” Kinuha nito ang cellphone nang tumunog ito. “That’s good, Lomer. Dalhin mo na siya agad dito sa lalong madaling panahon.” Bumaling sa kanya si Xerxes nang nakangiti. “Baka bukas ay darating na ang doktor na gagamot kay Lolo.”

“Talaga, hubby! Mabuti naman!” Tuwang-tuwa na yumakap siya sa leeg nito. Salamat naman at magagamot na si lolo Axel. Siguradong matutuwa sila Cherry at Charlotte kapag nalaman nila ang balitang ‘to.

Nakangiting nagpaalam siya sa asawa. Sasabihin niya ang magandang balita sa dalawa. “Cherry!” Tawag niya nang makita ito. “May good news ako!”