93.

[Apol]

Palakad-lakad siya sa harapan ng isang kwarto rito sa Villa habang naghihintay ng balita kung ano ang lagay ng kanyang asawa.

Nasa hospital na sina Charlotte at Cherry at do’n ginagamot. Samantalang ang kanyang asawa ay narito sa Villa. Ang nag oopera rito ngayon ay ang bagong doktor na pumalit kay Gervin. May sariling clinic sa lahat ng mga Mansion, Villa, penthouse ang mga Helger. Hindi kasi maaari na magpunta ng hospital ang mga katulad ng asawa niya dahil lubhang delikado.

“Anak, mabuti pa ay maupo ka, nahihilo ako sa ginagawa mo.” Wika ng nanay niya. “Huwag kang mag alala dahil sa balikat lang naman ang tama ni Xerxes. Para sa mga katulad niya ay daplis lamang ang gano’ng sugat.”

Umupo siya. “Tama ka, nay. Pero hindi kasi maaalis ang pag aalala sa dibdib ko. Kahit daplis lang para sa kanya ang sugat niya para sa akin ay sugat pa rin iyon. Saka natetetano ang sugat, nay,” Nakaingos niyang sagot.

Nang makita ng nanay niya ang hawak niyang baril ay napailing-iling ito. Nagda