101.

[Alena]

“Aray ko, Bryle, nasasaktan ako!” Reklamo niya ng hawakan siya nito ng mahigpit sa braso. Nang makita ng lalaki na nakatingin sa kanila si Aimee ay nakangiting binitiwan siya nito bago bumaling sa kanyang anak.

“Aimee, pumasok ka muna sa kwarto mo dahil may pag uusapan kami ng mommy mo.” Malambing nitong kausap sa bata. Bumaling ito sa nanny. “Kunin niyo si Aimee at dalhin sa kwarto niya.”

“Opo, Sir.”

Bumalik si Bryle sa kanya. “Hindi ba’t nag usap na tayo na hindi ka pwedeng lumabas, Amber? Makinig ka naman dahil para sa’yo din ang sinasabi ko! Gusto mo bang mapahamak kayo ng anak mo?” Nagpipigil nang galit na lumapit si Bryle at humawak sa balikat niya ng may diin. “Alam mo naman na hindi para sa akin ang sinasabi ko hindi ba?”

Nang makita nito ang pagdaan ng sakit sa mata niya dahil sa madiin na pagkakahawak nito ay bumitiw ang lalaki. “I’m sorry. Ayoko lang naman na masaktan kayo dahil mahalaga kayo sa akin ni Aimee. Masyado na yata ako nanghihimasok sa buhay niyo.”